Lumbard ucidental Quest articol chì l'è scrivuu in lombard, grafia milanesa.

El Moviment Econazional Domà Nunch l'è staa ona organizzazion cultural e politica extra-parlamentar de l'Insubria che l'haa lavoraa in sta region in tra el 2005 e el 2020.

On convegn de Domà Nunch.
«Domà Nunch l'è on moviment econazional. El gh'ha come sò ultim fin la sovranità de la Nazion Insubra, in d'on'òttica de salvaguardia e difesa de la nòstra Terra: perchè l'è la Mamma de la nòstra Nazion»
(Lorenzo Banfi, dal programma politich in sul sit de Domà Nunch.)

Stòria Modifega

L'è staa fondaa com'è associazion cultural in del 2005 e la gh'ha in di sò obiettiv la tutela del territori de l'Insubria. El grupp l'è partii attorna ona rivista ciamada El Dragh Bloeu, che poeu l'è diventada l'òrghen de comunicazion de l'associazion. La prima presentazion l'è stada el 6 de febrar 2006 a Milan in Piazza Insubria.

Sin da la fondazion, el President l'è el lenguista e autor Lorenz Banfi. In del 2007, siccòme che l'associazion la diventava pussee granda, l'è staa nominaa on Segretari Nazional, che l'era el Mattee Colaon.

In di ann seguent, Domà Nunch l'ha pubblicaa anca di liber in su i tema de l'ecologia e de la lengua, e l'ha organizzaa on sacch de iniziativ:

  • La Festa Nazional de l'Insubria, tucc i 5 de settember, per commemoraa la costituzion del Ducaa de Milan;
  • La commemorazion de la tragedia de l'ICMESA de Seves;
  • el Forum in su i emergenz ambiental de l'Insubria, in del marzo 2007 a Ubold;
  • el Forum per la lengua milanesa, in de l'aprile 2007 a Nervian cont i pussee important associazion linguistich de la region;
  • el convegn Olòna: ona vall al bivi, el 29 de marzo 2008 a Gòrla Minor;
  • la festa de trii-dì Olòna: ona vall in festa dal 20 al 22 de giugno 2008;
  • i manifestazion contra el progett de l'Autostrada Pedemontana Lombarda, el 28 de november 2009 e el 6 de febbrar 2010

In del dicember 2011 l'haa dismettuu de vess on'associazion e el s'è costituii com'è on moviment politich pront a presentass ai elezion regional de Lombardia, Piemont e Canton Tisin [1].

In del dicember 2013 l'ultim comunicaa del moviment l'haa dichiaraa la sospension de l'attività politica [2].

De contra, in del 2015 Domà Nunch l'haa presentaa ona lista ai elezioni comunal de Sarònn in alleanza con la Lega Nòrd. La coalizion l'ha venciuu i elezion e el moviment econazional l'ha mettuu sù l'Assessor a l'Ecologia e Spòrt. In del gennar 2020 el moviment el s'è giontaa a Fradej d'Italia[3].

Idei Modifega

Domà Nunch el se ispirava ai prinzipi de l'econazionalismo, che l'è ona sintesi de ecologismo e tutela de l'identità de la comunitaa umana. El promuoeveva el progett de ona Confederazion Insubre, in sul modell de la Svizzera[4].

Domà Nunch el credeva in l'autodeterminazion e l'indipendenza de l'Insubria per podè protegg el sò patrimòni de stòria, lengua e ambient[5]. El proponeva anca che i tòcch de Insubria che adess hinn partii in tra Lombardia, Piemont e Svizzera dovarian vess unificaa anmò.

Domà Nunch l'è staa contrari a la cimentificazion selvadiga del territori e a fabricaa su noev strad. Per quest l'è andaa contra al progett de l'Autostrada Pedemontana Lombarda[6]. In pagament el proponneva da tegnì in Insubria i danèe di tass per bonificà el territori.

Vos corelaa Modifega

Referenz Modifega

  1. http://venetostato.info/blog/2011/12/06/gli-eco-nazionalisti-di-doma-nunch-pronti-a-presentarsi-alle-elezioni/
  2. http://www.domanunch.org/notizie/305-sospension-de-lattivita-politica-sospensione-dellattivita-politica
  3. https://www.saronnonews.it/2020/02/05/doma-nunch-e-fratelli-ditalia-siglano-ununione-identitaria/
  4. [1]
  5. http://www.domanunch.org/index.php?option=com_content&view=article&id=245&Itemid=331
  6. http://www3.varesenews.it/busto/articolo.php?id=155212

Ligamm de foeura Modifega