Hof l'è 'na cità todèsca sitüàda 'ndèl Land de la Baviera, 'ndèl distret de l'Alta Francònia (Oberfanken). Ai tép dei Romàni l'ìa cunusìda come Curia Variscorum, del nom dei Varisci, la popolasiù germànica che abitàa 'n chèla zòna lé a chèi tép là.
Hof l'è 'na cità extra-circondariàl (kreisfreie Städte) che völ dì che la fà circondàre (Kreis) de per sò cönt. La g'ha 45 183 abitàncc (dato del 31. des 2016).
La cità la se tróa endèla part nordorientàl del stat de la Baviera, sö le spónde del fiöm Saale, coi mucc del Fichtelgebirge de 'na bànda e la Sèlva de Francònia (Frankenwald) de l'ótra. La rèsta póch delóns del cunfì co la Sasònia. L'è capolöch del circondàre omònim ma la cità, del pónt de vìsta aministratìf, la na fà mìa part. L'è part de la regiù metropolitàna de Norimbèrga.