Lombard Occidental

Quel articul chì l'è scrivüü in Lumbard, cun l'urtugrafia insübrica ünificada.


Miracolo a Milano
{{{caption}}}
{{{titul uriginal}}}
Diretur Vittorio De Sica
Prudutur Vittorio De Sica
Scrivüü da Cesare Zavattini
Vittorio De Sica
Suso Cecchi d'Amico
Mario Chiari
Adolfo Franci
Prutagunista Emma Gramatica
Francesco Golisano
Dupiadur lumbard {{{dupiadur lumbard}}}
Müsica Alessandro Cicognini
Futugrafìa Aldo Graziati
Muntagg Eraldo Da Roma
Studio {{{studio}}}
Distribudur
Surtida al cìnema
Düràda 100 minüt
Paes Italia
Lengua Italian, Milanes
Spesa {{{spesa}}}
Guadagn {{{gadàgn}}}
Precedént {{{precedént}}}
Seguént {{{seguént}}}

Miracolo a Milano (Miràcul a Milan), l'è un film italian dal 1951 diret da Vittorio De Sica[1], ispirad al rumans "Totò il buono" (Totò el bon) de Cesare Zavattini.

La pelìcula la nass da la culaburassion artìstega tra regista e scritur de tanti àltor film dal perìud neurealista cume Umberto D., Sciuscià e Ladri di biciclette.

Storia Modifega

 
Totò suta ai Gambüs

El film l'è incentrad ins la figüra de Totò, un por fiöl prima rimast sensa pàdor e màdor e pö, dopu la mort de la nona Lolotta che in realtà l'eva truad suta a un gambüs, da par lü. El picinin par quest el vegnarà ricuerad ind un'urfanatrofi dal qual el vegnarà föra a la magiur età.

Diventad grand, e ritruada la libertà, Totò e'l finirà par fà amicissia cun d'i barbon ch'i stan in d'i barach ind la zona de l'Urtiga[2]. Chi, el cunussarà anca 'na fiöla de num Edvige che la diventarà la sò murusa.

Tra capitalista che i vuraran trai föra de cà parchè in de la lur tera par che ghe sia dal petroli, e una pulissìa che la par püssè un'urganisassion privada al servissi d'i püssè fort, el grüp d'i barbon, cun el 'iüt de l'àngiul de la nona morta e de 'na culumba miraculusa, i finiran par salvass cun un sgul ins le scue d'i spassin d'la piassa dal Dom, sura a la catedral, a la ricerca de un mund imaginari indùe "Bondì el vör dì dabon Bondì".

Crìtica Modifega

Zavattini l'ha adatad el sò rumans cun una vena sürealìsta e favulìstica par dà 'na növa linfa a un neurealism in fas calant.

Girad ind el 1951 tra Milan e Ruma[3], quand l'è andài ind le sale cinematugràfiche l'è stai acolt in mod negatìu da prugresista e cunservadù.

Par i prim el film l'era trop evangélich e cunsulatori (in Union Suviética l'è staia pruibida la difüsión); par i àltor invece l'era eversìu e d'ispirassion cumünìsta. Pruabilment quel che piaseva a nissün l'era la scelta d'avegh cume prutagunista di barbon lasaron ch'i fan festa.

A dimustrà che Miracolo a Milano el sia miga un film eversìu, l'è abastansa pensà che el suget l'è stai scrit tra el 1940 e'l 1943. Ind a cal perìud lì l'era verament imprubabil che el fascism el cunsentiss a un quaidün license rivolussiunarie.

Atùr Modifega

Ind el cast d'i atur, insema al prutagunista Francesco Golisano, i han recitad Emma Gramatica (Lolotta), Paolo Stoppa (Rappi), Guglielmo Barnabò (Mobbi), Brunella Bovo (Edvige), Anna Carena (Marta), Alba Arnova (La statua che la ciapa vita), Flora Cambi (L'inamurada infeliss), Virgilio Riento (El sergent de le guardie), Arturo Bragaglia (Alfredo Erminio Spalla), Riccardo Bertazzolo (L'atleta), Checco Rissone (El cumandant en scunda), Angelo Prioli (El cumandant en prima) e Gianni Branduani (Totò a vünds an)[4].

Premi Modifega

El film l'è stai premiad cun la Palma d'Or par el migliur film al 4° Festival de Cannes, cun el Nàstor d'Argent par la scenugrafìa de Guido Fiorini e cume migliur film furest par i critich de New York. Miracolo a Milano l'è stai anca numinad ai BAFTA Awards dal 1951 cume migliur film, insì tame Francesco Golisano cume mugliur atur furestier.

Curiusità Modifega

  • La scena dal sgul ins le scue l'ha ispirad Steven Spielberg par la scena dei fiöi ins le biciclete sgulant ind el film E.T.;
  • Miracolo a Milano l'era el film preferid de Charlie Chaplin;
  • El film l'è stai restaurad ind el 1999 par la version in DVD[5] süpervisiunàda dal fiöl de De Sica, Manuel;
  • S'cund el Zavattini, el film el gh'eva da es ciamad I poveri disturbano (I puaret i dan fastidi);
  • La version uriginal dal suget l'era staia scrivüda par el prìncip De Curtis, Totò;
  • El film l'è stai girad in italian, ma gh'è d'i tuchel parlad en milanes;
  • Le zone de Milan indùe l'è stai girad i en Via Pareto, Vial Certusa, Piassa dal Dom e Piassa de la Repüblica[6], ma anca d'i camp tra Lambrà e l'Urtiga.

Galerìa futugràfica Modifega

Riferiment Modifega

  1. Aldo Palazzeschi e Maria Carla Papini, Cinema
  2. Gualtiero De Santi, Manuel De Sica e Vittorio De Sica, Miracolo a Milano di Vittorio De Sica: testimonianze, interventi, sopralluoghi
  3. Filming locations on IMDb
  4. Scheda dal film ins al IMDb
  5. Maria Carla Cassarini, Miracolo a Milano di Vittorio De Sica: storia e preistoria di un film
  6. Dal sit Squadra Volante Ligera Arqiviad qé: [1]

Ligam in sü la red Modifega