Lombard Occidental

Quel articul chì l'è scrivüü in Lumbard, cun l'urtugrafia insübrica ünificada.

Un urmun (del Grech όρμάω - "met in muiment") a l'è un cumpost chimigh che'l vegn relassaa de vüna o püssee celül per mandà di messagg a vüna o alter celül. El messagg al serviss per müdà el metabulism d'una celüla e/o l'atività di tessüt o di orghen.

L'Epinefrina (adrenalina), un urmun

Tücc i urganism multicelülar prudücen i urmun; quij di piant se ciamen anca fiturmun. In di besti i urmun vegnen traspurtaa despess in del sanch. I celül respunden a l'urmun dumà se gh'hann un recetur specifigh per quel urmun lì. Quand che l'urmun a l'è ligaa a la pruteina recetura, el resültaa a l'è la trasdüziun del segnal dent in de la celüla.

I urmun vegnen prudot in di gandul endocrin, che pöö ja fan finì in di liquid del corp.

I urmun a hinn classifegaa, in bas a la sò strütüra, in trì grüo

  • urmun peptidigh
  • urmun steroidigh
  • urmun derivaa de aminuacid