Viola odorata
Chest artícol a l'è scricc in Lumbàrt, ortograféa orientàl unificàda. |
Viola odorata l'è 'na spéce de piànta erbàcea de la famìa botànica de le Violaceae. L'è uriginària de l' Europa e de l'Asia ma l'è stàda intruducìda pò a 'n töt el continènt americà.
Viola odorata | ||||||||||||||
---|---|---|---|---|---|---|---|---|---|---|---|---|---|---|
Classifigazion sientífiga | ||||||||||||||
| ||||||||||||||
Nomm binomial | ||||||||||||||
Viola odorata Linneo |
Descrisiù Modifega
La pöl rià 'nfìna a 10÷15 ghèi de altèsa, la g'ha 'na raìs perène e carnùza e la se propàga per mes de stulù. Le fòie i nè töt tacàde a la raìs, le g'ha 'n gambì lónch e le g'ha fùrma de cör o de rugnù (reniformi). I fiùr i è grancc 2 ghèi e i g'ha 'n gambì bel lónch e squadràt. I fiùr i è pröfömàcc (aróma dóls), sùi, de culùr viòla scür, iregolàr e con sich pétali, posisiunàcc endèla conformasiù tìpica del zèner Viola. El fröt l'è 'na càpsula con tré vàlve con dét divèrsi granì de somésa.
Per cunusìle de le ótre viöle se pöl doprà i aspècc elencàcc ché sóta:
- i fiùr i g'ha 'n aróma dóls
- i fiùr i è de culùr viòla scür o biànch,
- e fòie e i fiùr i vé fò töcc diretamènte de la rözèta bazàl,
- el carpèl l'è a fùrma de gancitì (e 'l fens mìa condèa apendìce srotondàda),
- i gambì de le fòie i è piluzècc,
- la se tàca dré a tèra per mès de stulù (sùra 'l teré).
Distribusiù e habitat Modifega
La crès dré ai màrzegn del bósch o 'n radüre. I fiùr i tàca a fiurì amò prìma de la primaéra e i desmèt prìma che cumìnce l'istàt.
Tasonomìa Modifega
Viola odorata l'è stàda discriìda uficialmènt per la prìma ólta del Linèo endèl Species Plantarum 2: 934, endèl 1753.[1]
Varietà Modifega
- Viola odorata var. sulfurea (Cariot) Rouy & Foucaud [1896]
- Viola odorata var. subcarnea Parl. [1890]
- Viola odorata var. propinqua (Jord.) Rouy & Foucaud [1896]
- Viola odorata var. jucunda (Jord.) Rouy & Foucaud [1896]
- Viola odorata var. floribunda (Jord.) Rouy & Foucaud [1896]
- Viola odorata var. dumetorum (Jord.) Boreau [1857]
- Viola odorata var. consimilis (Jord.) Rouy & Foucaud [1896]
- Viola odorata subsp. subcarnea (Jord.) Corb. [1894]
- Viola odorata subsp. stolonifera (J.J.Rodr.) Orell & Romo [1992]
- Viola odorata subsp. rierolae Sennen [1936]
- Viola odorata var. barraui O.Bolòs & Vigo [1974]
Sinònim[2] Modifega
|
|
Riferimèncc Modifega
- ↑ Viola odorata en PlantList Arqiviad qé: [1]
- ↑ Sinònim en Tela Botánica
Bibliografìa Modifega
- Chessi, Edmund. Hierbas que curan. Prima edisiù.
- Font Quer, P. Plantas Medicinales, El Dioscórides Renovado. Décima edisiù.
- Grau/Jung/Münker. Plantas Medicinales, bayas, verduras silvestres. Prima Edisiù.
- http://www.zonaverde.net/violaodorata.htm
- http://fichas.infojardin.com/perennes-anuales/viola-odorata-violeta-de-olor-violeta-dulce.htm
- http://www.ecoaldea.com/plmd/violeta.htm
- http://www.sotoencameros.org/Violeta_Viola_odorata.1504.0.html