William Bentinck
William Henry Cavendish Bentinck (Busltrode 1774 - Paris 1839) l'è staa Governadur general del Bengala del 1828 al 1833, e de l'India del 1833 al 1835. L'era un nòbil che el simpatizava per i liberaj, e l'ha faat divers innovazion in del Govèrno de l'India, come la pruibiziòn de brusaa i miee rimast vèduv. In del 1814 l'era rapresentant ingles a Genua e l'haa promovuu la segunda nasida de la Republica Ligura.
