2023

Quest articol chì l'è scrivud in lombard, con la Noeuva Ortografia Lombarda

Quell articol chì l'è domà un sbozz. Se violter sii bon de metegh dent un quaicoss pussee, preocupeves minga e provegh. Inscì de havégh un'ideja de tucc i alter sbozz, vardee chinscì.

El 2023 a l'è un ann del secol quell de XXI.

Cossa gh'è capitad Modifega

Sginer Modifega

1 de sginer: la Svezzia la ciapa la presidenza de turno de l'Union Europea
1 de sginer: la Croazzia la taca a doperà l'Euro e la va dent a l'area Schengen
1 de sginer: el Luiz Inácio Lula da Silva el giura 'me president del Brasil
5 de sginer: obet del Papa Emerit Benet XVI
8 de sginer: la China la derva ancamò i so frontere, dopo de trii agn de sarradura per el COVID-19
8 de sginer: di sostenitor del Jair Bolsonaro salten el Congress, el Palazzi Presidenzial e la Cort Suprema Federal
13/14 de sginer: elezzion presidenziai in Cechia, vann al ballotagg el Petr Pavel e 'l Andrej Babiš
15 de sginer: darrer dì de legalità de la kuna croata
16 de sginer: i autorità italiane aresten el Matteo Messina Denaro a Palermo, inscì de meter fin a trent'agn de latitanza
28 de sginer: ballotagg di presidenziai ceche, el Pavel l'è elesgiud president
30 de sginer: a Peshawar un atentator el se fa s'ciopà in d'una moschea a fà centiner de vitime

Fevrer Modifega

3 de fevrer: i Stat Unid interceten un ballon spia chines e 'l sbaten sgiò el di dopo
5 de fevrer: prim turno di elezzion presidenziai de Ziper
6 de fevrer: gran terramot in tra Turchia e Siria, che 'l causa pussee de quarantamila mort
12 de fevrer: el Nikos Christodoulides l'è elesgiud president de Ziper
21 de fevrer: el Vladimir Putin el nonzia che la Russia la sospend el tratad New START contra el proliferà atomegh
25 de fevrer: el Bola Tinubu l'è elesgiud president de la Nigeria
26 de fevrer: a sorpresa la Elly Schlein la vinc i elezzion primarie del PD, inscì la deventa la prima secretaria dona del Partid
27 de fevrer: Regn Unid e Union Europea riven a 'n acord per l'Irlanda del Nord
28 de fevrer: du treni se s'centren a Tessaja, gh'è 57 mort

Marz Modifega

2 de marz: el Võ Văn Thưởng l'è elesgiud president del Vietnam
4 de marz: i Stat di Nazzion Unide firmen un tratad per tutellà i ocean del bordegament
5 de marz: per la prima voeulta in Estonia du partid de center-destra ciapen la magioranza assoluda
10 de marz: la China la elesg el Xi Jinping president per la terza voeulta, una roba mai capitada
10 de marz: Iran e Arabia Saudita derven ancamò i relazzion diplomateghe
10 de marz: la falliss la Silicon Valley Bank, la banca di Stat Unid pussee granda quella de sedes, a dà foeura la crisi pussee granda del crac del 2008
17 de marz: la Cort Penal Internazzional la dà foeura un mandad per arrestà el Vladimir Putin per crimen de guerra in Ucraina
19 de marz: UBS la nonzia de crompà Credit Suisse
27 de marz: massacher de la Covenant School in Tennessee

Avril Modifega

4 de avril: la Finlandia la va dent a la NATO
15 de avril: la Germania la smorza i so darrere centrai nuclear
25 de avril: in Kenyia l'è descoverta una seta suicida che la lassa pussee de 200 mort e de 600 desperdud

Masg Modifega

3 de masg: el sgioven Kosta Kecmanovič el copa des persone a scoeula in Serbia
5 de masg: l'OMS la deciara la fin de l'emergenza global COVID-19
6 de masg: el Carlo III e la mier Camilla inn incoronad a Westminster
7 de masg: la Siria la torna in la Liga Araba
16 de masg: la scomincia la fas pussee grama del deluvi in Emilia-Romagna

Sgiugn Modifega

14 de sgiugn: funerai de Stat del Silvio Berlusconi al Dom de Milan
23 de sgiugn: el Grup Wagner, formazzion mercenaria russa guidada de l'Evgenij Prigožin, la se ribella al governo per i scerne del ministeri de la defesa