Alessandro Mattinzoli
L'Alessandro Mattinzoli (Desenzan, 30 agost 1959) a l'è 'n politegh italian, assessor de la Region Lombardia del 2018 al 2022.
Biografia Modifega
Imprenditor del settor turistegh e de la restorazion, l'è staa consiliee comunal a Sirmion, comun in che el viv cont i sò trii fioeu, del 1995, l'è del 1999 al 2009 Assessor ai Lavorà Publegh, Viabilità, Personal e Protezion Civil e del 2008 l'è elegiuu sindegh de Sirmion finna al 2018 con Forza Italia, de che l'era coordanador provincial, e vicepresident de la Provincia de Bressa del 2016 al 2018.
El 29 de marz 2018 a l'è nomenaa del President Attilio Fontana Assessor Regional al Desvilupp Econòmich, cont i delegh a l'industria, impres, artigianaa, commercc, terziari e fer.
El 2 de marz 2020, menter la Lombardia a l'è in piena pandemia de COVID-19, a l'è trovaa positiv al virus cont ona fever alta e l'è miss in isolament, cont on test a tutta la Gionta Regional intrega.
In del messedozz del 2021, ghe dann la delega a la cà, menter quella ai impres la passa al Guido Guidesi.
El 25 de luj 2022 el molla Forza Italia, dopo che 'l partii l'ha votaa mìnga la fiducia al governo Draghi. Del dì dopo l'è sostituid de l'Alan Rizzi.