Alfonso Porro Schiaffinati

Quest articol chì l'è scrivuu in lombard, grafia milanesa.

L'Alfonso Porro Schiaffinati (Milan, 23 de sginee 1798 - Sant Albin, 22 de settember 1872) a l'è staa 'n letteraa italian.

Biografia

De origin nobil, el pader l'eva renonziaa al titol comital in nomm di ideaj revoluzionari. Deventaa prest senza popà, mort in del 1800 in Franza, l'è curaa del barba Antonio Giudici. El se dedica soratutt a l'attività letteraria in milanes: l'ha voltaa 'n tocch de la Divina Commedia, ispiraa del Carlo Porta, e l'era amis del Giovanni Rajberti, che 'l gh'ha dedicaa 'n sò poema per complimentàss per el nass del sò ered in del 1852. Mecenaa, l'è staa anca comparsa in d'on quader del Francesco Hayez.

El se passiona, compagn del pader, a la politega: el sostegn la spedizion di Milla con dò sacch de moned e l'ha tegnuu 'na corrispondenza cont el Giusepp Garibaldi e 'l gh'ha dedicaa 'na poesia, tant de vess ciamaa "Cont Ross". Per via del sò impegn a l'è nomenaa finna al 1867 al consili comunal de Concorezz e 'l resta el referiment di garibalditt de l'area finna a la soa mort.

Interprogett

• lmo.wikisource

• • Framment del cant XXXIII dell'Inferno del Dant

Riferiment

• Enciclopedia Treccani
• La Goccia Briantea Arqiviad qé: [1]

Ligamm de foeura

• Antologia Lombarda Arqiviad qé: [2]