Lumbard ucidental Quest articol chì l'è scrivuu in lombard, grafia milanesa.

Ona nivola arcus a l’è ona nivola bassa, orizzontàl, che l’è sòlita comparì ‘me ona niovola accessòria de on cumulonemb. I nivola a borlon e i nivol a mensola hinn i su tipi principàl de arcus. In nivul de tipo arcus de sòlit se foeurmen adrée al bòrd che ‘l va innanz de on front di rebùff de on fluss in sortida de on temporal.

Ona nivola a mensola, on tipo de nivola arcus.

Nivola a mensola Modifega

La nivola mensola a l’è ona nivola bassa, inarcada e la gh’ha la forma de on cossìn o on chignoeù. La se forma quand che ‘l front di rebùff de on temporal a super-cèllula el fa levà su l’aria denanz de lu.[1]

Nivola a borlon Modifega

 
Ona nivola a borlon

La nivola a borlón a l’è ona nivola tubolar longa molto distanta de la base del temporal. A l’è on’ evolozion de la nivola a mensola quand che quèsta chì la se slontana de l’àera di precipitazion oppùr la se sviluppa per el contàtt tra la corrent ascedenta e quèlla discendenta che l’ingenera del girament e la condensa ind la nivola a borlón. [2]

Riferiment Modifega

  1. Gabriele Formentini (2009). Temporali e e Tornado (in italian). Alpha Test, 39-42. ISBN 978-88-483-0992-9. 
  2. Gabriele Formentini (2009). Temporali e e Tornado (in italian). Alpha Test, 47-49. ISBN 978-88-483-0992-9.