Lumbard ucidental Quest articol chì l'è scrivuu in lombard, grafia milanesa.
Automotris SNFT ALn 668-120
Automotrix

Automotris in livrea LeNORD
Agn de costruzion 1979,1983
Agn de esercizi 1980-
Quantitaa produxida 6
Costruidor FIAT, O.ME.CA
Lungeza 23'540 mm
Largeza 2'878 mm
Alteza 3'698 mm
Capacitaa 68 pòst settaa
Scartament 1'435 mm
Interperno 15'940 mm
Pass di carrei 2'450 mm
Massa in servizi 44 t
Massa a vœd 37 t
Classificazion di locomotive (1A) (A1)
Diameter rœde motrix 920 mm
Raport de trasmission 30/75
Potenza continuativa 2 x 175 kW
Velocitaa massema omologada 95 km/h
Alimentazion Gasoeuli
Tipolojia de motor Iveco 8217.32

L'automotris SNFT ALn 668-120 a l'è on'automotris ordenada in del 1979 in ses esemplar de la Società Nazionale Ferrovie e Tramvie per la ferrovia Bressa-Isee-Edol e dal 1993 in del parch rotabil di Ferrovij Nord Milan.

Storia Modifega

 
Treno in su 'n pont

La SNFT la gh'eva l'esigenza de sostituì i ALn 56, di agn '30, voramai vegg, e han ordinaa a la FIAT dò automotris derivaa di ALn 668.1000 di FS, entraa in servizzi el 18 de febrar 1980 e immatricolaa 121 e 122.

In del 1983 n'hinn ordinaa alter 4, ispiraa a la tecnega de quej de prima e cont la cassa del modell 3100, entraa in servizzi el 8 de november del midemm ann, immatricolaa 123-126.

Cont la liquidazion de la società del 1993 a entren in del parch di FNM.

In del 1992 l'unità 123 a l'è retirada dopo de on incident con ona SNFT ALn 668-140 a Bornaa, ancaa lee demolida.

In del 2016 a l'éra previst el retir, ma hinn doperaa per i visit a The Floating Piers e la 122 e la 126 a hinn pintaa in livrea Trenord.

L'unità 121 a l'è ancamò in livrea storica e l'è parcheggiada a Isee insemma a la 125, che la gh'ha on cediment de la struttura, e la 124.

Tecnega Modifega

I primm du esemplar derivaven del modell 1000 di FS, cont ona potenza pussee granda e 'na velocità massima de 95 km/h e l'intercomunicant a cancellett inveci che a soffiett. A l'éra staa giontaa el dispositiv vigilant e se podeven cobbià in tra de lor.

I àlter quatter esemplar doperaven i soluzion tecnegh di àlter du ma hinn staa faa su cont la cassa del modell FS 3100.

Livrej Modifega

 
Vari livrej

In principi gh'even la livrea giald de Mart cont i finestritt beige. Dal 1987 a l'è stada mittuda 'na modifega che la giontava a l'imperial el giald e 'l metteva la fascia ai port.

Dal 2000 i Ferrovij Nord han mittuu la soa livrea, fondada in su 'l verd e 'l bianch e di element bloeu.

In del 2008, in su richiesta de la Provincia de Bressa, ciappen 'na noeuva livrea bianca cont la zona di finestrin azzurra e dal 2016 i unità 122 e 126 a hinn mittuu in livrea Trenord.

Galleria di foto Modifega

Bibliografia Modifega

  • Mario Bicchierai, Quel treno in Valcamonica - La Brescia-Iseo-Edolo e le sue diramazioni, in Mondo ferroviario, vol. 67, gennaio 1992, pp. 6-73.
  • Mario Bicchierai, Da Brescia a Edolo da SNFT a FNME, in I quaderni di Mondo Ferroviario Viaggi, vol. 1, ottobre 2004, pp. 3-50.
  • Simone Carcano, I treni del "Ramo Iseo", in iTreni, vol. 327, 2010.

Vos corelaa Modifega

Alter progett Modifega