Chest artícol a l'è scricc in Lumbàrt, ortograféa orientàl unificàda.



La Bofalóra (nòm uficiàl en italià: Buffalora) l'è 'na frasiù abitàda de presapóch 2500 abitàncc che fà part del cümü de Brèsa. 'Na ólta la se ciamàa Vìla Bofalóra.

L'abitàt de Bofalóra el se tróa a 6 km a est del cèntro de Brèsa, bastànsa arènt (2 km) a la frasiù de Sànta Fèmia. 'Na part de la frasiù de Bofalóra, en particolàr la località ciamàda Bètola l'è sóta 'l cümü de Castinìdol.

De Bofalóra fa part le cascìne ciamàde Füzerì (Fuserino), la Fenaröla, la Pesóra (Pezzora), la Preferìda e San Benedèt.

El teretóre l'è streersàt de la seriöla Vescovada che la vé föra del Naéle Grànt de Brèsa. De le bànde de Bofalóra gh'è apò a 'l cazèl de l'autostràda A4 ciamàt "Brescia Est".