Buio Pesto

Quest articol chì l'è scrivuu in lombard, grafia milanesa.

I Buio Pesto hinn on grùpp de musega dialettal provenient de Genova. El nòmm del grùpp, che l'ha el sò "quarter general" propi a Bogliasch (GE), el fa leva su on gioeugh de paròl derivaa de la lengova ligura, indove el tèrmin "pesto" el pò riferiss a l'aggettiv "scur" o "profond", 'mè al tipich condiment ligur: el pèst.

El loeugh del grùpp, de color verd, el ricòrda la forma de la foeuja de basilich, che l'è l'ingredient pussee important del pèst.

El stil musical del grùpp el varia dal rock, al rap, al reggae, fina a la musega popolára. Caratteristega predominanta d'i cansón de Buio Pesto l'è la forta ironia e la comicità che la gionta a la musega ona particolara fòrza giocosa e goliardega insema.

Nel 2005 el Comune di Genova l'ha consegnaa ai Buio Pesto el disco dor a la carriera per avè superaa i 50.000 copi de dischi venduu. A 'sto moment i vendid ufficiai i ammonten a 67.000 copi, che diventen 142.000 si ghe se gionta anca i compilation.

Stòria Modifega

La stòria di Buio Pesto l'inizia nel settember del 1983 per decision de Danilo Straulino, Davide Ageno (al temp anmò member del grupp) e Ettore Valle, anbén l'attività ufficiala l'è iniziada domà nel 1992 con l'incision del primm album, Voglio una fidanzata (A voeuri 'na tosa), pubblicaa prima da la Deadline / Discomagic e poeu (1996, da la Sony). Nel 1995 però la carriera dei Buio Pesto la gh'ha ona svòlta importanta con la decision de mettess a cantà in lengova ligura.

Da chel moment lì i hann venduu 63.000 dischi in dialètt genoves e pusse de 135.000 tucc insema, eseguii pussee de 430 concerti, cont on pubblich de circa 860.000 person tucc insema^[1] e daa 254.000.000 franch per beneficenza.

Il sò second disch, "Cosmolandia", el vegn pubblicaa in del 1998; l'ha venduu in oltre 3.000 copie e el contegn ona cansón mai vegnida foeura prima: "Cosmolandia", cantada insèma con Franco Malerba, el primm astronauta taliann a volà in del spazi per la NASA nel 1992 con lo Space Shuttle Atlantis.

El 19 dicembre 1999 lo Space Shuttle Discovery el decòlla a Cape Canaveral cont a bord el CD "Cosmolandia", grazie a la gentilezza de Claude Nicollier, collega di Malerba a bord de la mission del 1992: l'è inscì ch'el diventa el primm disch taliann a volà in del spazi.

I Buio Pesto hann anca faa e recitaa in chell che l'è consideraa el primm^[2] film de fantascienza tutt giraa e prodòtt in Italia: InvaXön - Alieni in Liguria.

In l'ottober del 2008, ann de la pubblicazion del CD Liguria, l'è staa distribuii anca el sò segond film, ciamaa Capitan Basilico. El fil l'è staa anca in concors per el David de Donatell del 2009.

El Bandrillon Modifega

I Buio Pesto i hinn ben cognosuu per la sò fòrza creativa che despess i ha portaa e i porta a ideà curios bizzarì. Tra chesti, el spicca l'ideazion - cont addirittura on brevètt - di chel che è consideraa el primm strument musical a cord tutt ligur de la stòria: el "Bandrillon". 'Sto strument - ch'el ricorda in de la forma e in d'el color la foeuja di Ocimum basilicum - ha faa la sò primma apparizion in de la cansòn Pasiensa (Pazienza) drent in de l'album Basilico, pubblicaa nel 2004. Il Bandrillon el vegn suonaa da Maurizio Borzone.

Partecipazion Modifega

I Buio Pesto gh'hann avuu in di sò disch different partecipazion speciai, compagn de quai de Marco Masini, Mietta, Rocco Tanica, Bruno Lauzi, Simone Cristicchi, i Ricchi e Poveri, Claudio Lauretta, Enrico Ruggeri e 'l cantant e autor dialettal genoves Piero Parodi.
Hann faa ona mòtta de cover e rivisitazion còmigh in version genovesa de success italian e mondiai, compagn de [50 Special]], Black or White, Don't Cry for Me, Argentina, Macarena, My Heart Will Go On, My Sharona, Dragostea din tei, fin al Cant di Italian.