Campagnöla l’è ü quartér de Bèrghem che l’ se tróa a mesdé de la sità basa, sö i rie de la Mórla strècia tra la circonvalasiù e l’as interurbà al cunfì col cümü de Öre al Sère.

La stòria Modifega

Se sa mia se gh’éra śamò ü bórgh o öna quach cà quando ‘l podestà cümünàl Bonifazio de San Nazario de Pavia ol 27 Deşèmber del 1253 l’ gh'a concedìt al Aydo Grumelli, ciamàt Aydino, di cap tegnìcc a prat e di cap tegnìcc aràcc con tate piante “que dicuntur Pratum de Campaniola et de Insula sive Insuletta, sicut trait seriola que currit ad Vezanicham in sursum usque ad stratam per quam itur ad Urium" (1).

Fòrse chèla şòna ché l’éra şamò fai part di posedimèncc de la curtis regia del Morgula e per lo piö gh’éra de èsga dóma di pracc cóme l’ fàa capì ‘l nòm de alura Pratum de Campaniola, compàgn de chèl de ‘ncö che l’è Via dei Prati.

Referènse Modifega

1) Longhi S.,1999, Il castello di Campagnola: proprietà e strutture materiali fra il XIII e il XIV secolo in Colmuto Zannella G. (a cüra de) Territorio e fortificazioni, Quaderni dell’Ateneo di Scienze, Lettere e Arti di Bergamo, Edizioni dell’Ateneo, Bèrghem.