Chest artícol a l'è scricc in Lumbàrt, ortograféa orientàl unificàda.


Ol Carl George Fogarty l’è nasìt a Blackburn ol prim de Löi del 1965 e l’è ü coridùr de móto ‘nglés che l’à enzìt per quàter vólte ol Campiunàt del Mónt de Superbike e per chèsto l’è ‘l coridùr de móto che l’à enzìt de piö ‘n Superbike.

The King Carl Fogarty

Ol sò nòm l’è ligàt a chèl de la Ducati, dezà che pròpe con chèsta móto, e per ès piö precìs co la Ducati 916 e co la Ducati 996, l’à enzìt i sò quàter tìtoi mondiài ‘n del 1994, 1995, 1998 e 1999 prima de ritiràs in del 2000. Ma l’è ach ol coridùr che l’à enzìt piö córse de Superbike, dezà che l’è riàt prim per 59 vólte sö 220 gare de Superbike che l’à facc e fò sùra l’è riàt 109 vólte tra i prim trì e l’à ciapàt 21 pole position. Pròpe per chès-ce sò rizültàcc l’è stacc suernominàt The King, ol rè.