Cat Ólt

Chest artícol a l'è scricc in Lumbàrt, ortograféa orientàl unificàda.

Ol Cat Ólt (in Italià: Canto Alto) l'è öna montàgna di preàlp bergamàsche ólta 1.146 méter.

Ol Cat Ólt co la nif ést da Castagnéta, sö sö i còi de Bèrghem

Ol Cat Ólt d'estàt ést da Castagnéta, sö sö i còi de Bèrghem

Ol Cat Bas

L' se tróa tra la bàsa Al Brembàna e la bàsa Al Seriàna pròpe a i spàle de Bèrghem e se l' vèt bé da la sità olta e pò da la autostràda A4.

I sò paìs e i sò bórgh

A i sò pé 'n de la Al Seriana gh'è Oléra (518 m) e 'l Mut de Nés, menimà 'n de la Al Brembana de la bànda a roèrs gh'è Poscànt (421 m) e da la banda al sul gh'è Surìzel (415 m).

L'è per metà dét in del Parch di Còi (parch regiunàl), dezà che 'l cunfì del parch l' cór pròpe söl crinàl del Cat Ólt, isé che l' tòch al sul l'è dét in del parch.

I sò seriöle

Dal Cat Ólt i nas la Mórla e la Quìza e töte e dò i nas dal versànt al sul.

Ol Cat Bas e la tàmba del Pacì Paciana

Se s' varda ol Cat Ólt da i còi de Bèrghem e da la pónta de la montàgna, 'ndóe gh'è la crus, s'ciàpa a drécia se èt che la montagna la à zó a belàze a belàze, pò gh'è ü pich picinì e pò öna cónca bèla grànda che l'è ciamàda ol Cat Bas (901 méter). Apéna sóta 'l Cat Bas s'tróa öna di tàte tàmbe che gh'è söl mut, ma chèsta l'è ciamàda del Pacì Paciàna, dezà che s'pènsa che la sìes istàcia la tàna del chèl legendàre bandìt, ol Pacì Paciàna.