I salùti Modifega

Ciau, benvegnü e bel mesté;) --Grifter72 08:36, 31 Lüi 2011 (UTC)

oh, l'éra ùra che riès ün óter bresà, sére stöf de tacà béga adóma col Ninonino. Ben riàt.

--Aldedogn 15:27, 31 Lüi 2011 (UTC)

Gràssie a töcc! el ma fa on gran piasér parlà on po de dialèt e conóser vergü apasiunàt de tradisiù. Go mìa nisüna esperiènsa en Wiki issé che so dre a pastesà sö on po per emparà. Se ghi temp, diga 'n öciàda àla pàgina de Müsica Medievàl che so dre a cumincià: go mia edèa de come sa fa a mitìga sö on scatolòt con dènter l'indicasiù che la pàgina l'è nöa e che so amò dre a laoràga 'nsima! gràssie fes e stim be! Clavichord 15:38, 31 Lüi 2011 (UTC)

Ciao Clavichord, speróm che te se troet bé sö la wiki 'n lombàrt e che te nàghet aànti 'n bèl po a colaborà per fà crèser chèsto progèt. Só pò a mé bresà, de pruvìncia però. --Ninonino 18:24, 31 Lüi 2011 (UTC)
Ciào Ninonino e gràssie del salùto! iér go döpràt pròpe giü dèi to artìcoi per cumincià a 'mparà vergòt de wiki. me so nasìt a Brèsa e a 'n cèrto pùnto so ànche turnàt a Brèsa per dèi agn, però el dialèt l'o 'mparàt en dèla Bàsa, 'ndo so crisìt (a Sìgole). Go de di che l'ma fa debù on gran piasér de éser salüdàt: en del post endó che vìve adès (en Inghiltèra) i salücc i è 'ndacc a fas binidì za de 'n bel po! ..e alùra bunaséra a töcc! Clavichord 19:26, 31 Lüi 2011 (UTC)
Brào, l'è pròpe isé che se fà, se ciàpa de chèi che gh'è pasàt prìma. E cumplimèncc per el Mostasù de le Cosére, te g'hét zà guadegnàt 100 poncc ;-)
Cumplimèncc apò a per l'artìcol sö la müzica medievàla, te sét dré a nà pròpe benone per éser giü che gh'è dré a 'mparà... ;-)
--Ninonino 21:07, 31 Lüi 2011 (UTC)
eheh! ..e gràssie apò per el sügerimènt: go finìt de cambià müsica con müzica. --Clavichord 21:42, 31 Lüi 2011 (UTC)

Ciau, Clavichord, e benvegnüü anca de mi! :-)

Gràssie! ;]

Pàgina: Müzica medievàla Modifega

Óna nöa pàgina de müsica medievàla l'è drè a nàser, e l'traài l'è mìa 'n gran fàcil. 'Ncö ghìe 'mpó de tép e go pensàt de pröà a fa sö on Modèl con töte le epoche dèla müsica clàsica europèa. Al stès temp go dicidìt de scultà el sügerimènt de Ninonino e go cambiàt el nòm dèla pàgina perchè en dialèt bresà (el dialèt döpràt per la pàgina) 'nvece de müsica sa garès de scrìer müzica. Àla fi dèla féra töta chèla stória che (la stória del óca!) l'è per di che ga sarès de scancelà do pàgine èce: Müsica medievàl e Müsica medievàla. La pàgina nöa l'è Müzica medievàla. El vergót che sa pöl fa? gràssie e stim töi be. --Clavichord 13:16, 1 Agu 2011 (UTC)

Ciao Clavichord, isé come che 'l t'ha sistemàt el Grifter el và bé, l'è isé che gh'è de fà. L'è sèmper mèi fà i redirect a l'artìcol principàl con töte variàncc pusìbii (almeno la LOCC, cioè lombart ucidentàl e l'ortografìa del Dücàt). Ma té 'ntàt stà mìa dré a preocupàt de chèste ròbe ché, te le spiegaróm de menemà, và 'n nacc a scrìer i tò artìcoi che i và benone. Ciao e a prèst. --Ninonino 19:42, 1 Agu 2011 (UTC)
Ninonino, Grifter, si pròpe brài! gràssie! ..ghìe za 'n pó de magù per chel pér de spaciügàde.. a prest! --Clavichord 20:16, 1 Agu 2011 (UTC)

Capìtol nöf: Sècoi V-X. El càntus plànus. Sö, de brài, 'ndì a dàga na lizìda.. --Clavichord 22:08, 1 Agu 2011 (UTC)

T'ho fat 'na quach coresiù, póca ròba, suratöt quistiù de acènti.
Te dó 'na quach drìta sö come che i dòpre mé, dòpo té te ardarét semài che te öt fà a té compagn. Té 'n cönt che le nòste régole ortogràfiche i è 'n pó amò 'n cantér deèrt perchè sèrte aspècc i óm definìcc ma sèrte óter fóm amò pò a noter ognü a la sò fòza.
Mé per ezèmpe a le prepuzisiù e prepuzisiù articolàde ghe i mète mìa i acèncc, 'nvéce ghe i mète sèmper söi sostantìf monosìlabi. Té te scrìet de (giorno) sènsa acènto, 'nvéce mé 'n chèl càzo lé ghe 'l mète sèmper isé se 'l diferènsia de de prepuzisiù. Isé scrìe: al dé de 'ncö.
Pò g'hó ést che te scrìet dèle. Mé 'nvéce 'l scrìe destacàt: de le. Pöl das però che té te g'hapet vést en quach mé artìcol de chèi piö ècc, perchè pò a mé scriìe isé 'na ólta, ma dès g'ho cambiàt perchè 'l me somèa piö mèi.
'N öltem laùr, g'ho ést che te g'hét dopràt la fùrma 'ncödé e la mè sunàda nöa. Se dis isé 'nvèrs Sìgole? Me so 'n scurgiuzù, tedaremò quàte che te 'n domandaró... ;-)
'N ótra ólta te spiegaró la diferènsa 'ntra Ortografia bresana moderna e Ortografia oriental ünificàda che l'è chèla che doprom mé e l'Aldedogn per Bresà e Bergamàsch de 'n po de tép en sà.
Ma té ströméset mìa e và aànti isé!!! Ciao! --Ninonino 07:35, 2 Agu 2011 (UTC)
Ninonino, so mìa cóme ringrasiàt! per el momènt ta cönte apéna che l'avèrbio ncödé el scultàe on gràn spès a Manèrbe. Pensàe pròpe mìa che l'födès vergòt de locàl! stìm bé! --Clavichord 08:51, 2 Agu 2011 (UTC)

Oh bèla, che i te fà i coresiù ma nisü te 'nsègna a sistemà i pagine come te ét domandàt té!!!! Se ó mia capìt mal ét faì sö trè pàgine che i se sömèa e 'l tò probléma l'è 'l tìtol che te ölet che 'l sìes Müzica medievàla. Per sistemà i laùr basta che te 'ndàghet in di ótre dò pàgine, te scancèlet vià töt chèl che t'ét iscrìcc e te mètet chètas furmulìna: #redirectMüzica medievàla.

Isé i dò pagine i è mia scacelàde, ma se ü domà 'l iscrìf Müsica medievàl o Müsica medievàla l' vè mandàt sö la pagina giösta, isé 'l redirect 'l dà ach öna mà troà piö a la svèlta i pàgine.

pròa a fal e se te ghe rìet mia, ciàmem che te dó öna mà.

--Aldedogn 10:26, 2 Agu 2011 (UTC)

Gràssie, Aldedogn! chel che ta m'ét ensegnàt el ma tùrna ütil de sicür! stàm bé! --Clavichord 19:05, 2 Agu 2011 (UTC)

Bentornad Modifega

Ciao e bentornad in su la Wikipedia lombarda. Se te gh'hee voeuja de tornà a scriver, sentes liber de contatàm, vist che inn cambiade di robe in del temp :) --Sciking (dìm tuscoss) 21:02, 3 Gen 2022 (CET)