Crimen informategh
El crimen informategh a l'è el fenomen criminal che 'l pertocca vun o pussee sistema informategh in di sò azion. A hinn tipicament sociaa a la pirateria informatega, a l'hacking, ai robalizzi bancari, ai estorsion sessuaj, a la pedopornografia e a l'adescament di fiolitt finna rivà ai attacch ai sistema informategh de on Stat, l'inscì ciamada guerra informatega.
Classificazion Modifega
Truff economegh Modifega
I truff economegh revarden sia i utent singoi sia i istitut bancari. Per l'utent singol, per esempi, gh'è el phishing, per provà a robà i sò informazion de la banca o di malware faa appòsta per robà i credenziaj, per i istitut gh'è staa di attacch dirett ai sed di banch cont di malware o di tecnegh de ingegneria sociala per permett de autorizzà de dent di transizion fraudolent: L'esempi pussee important a l'è del 2015, quand che di criminaj han robaa de 'na banca del Bangladesh 81 milion de dollar e hinn staa fermaa domà de 'n error de battitura.
A gh'è anca di esempi de truff classich spantegaa per via informatega, 'me i classich schema piramidaj, o di truff amoros.
Terrorism Modifega
El terrorism informategh a l'è quell terrorism che 'l dopera i mezz informategh per provocà terror in la popolazion, tipicament cont di attacch a di infrastruttur fondamentaj de che l'attacch el pò anca portà a la mort di personn.
Estorsion Modifega
I estorsion informategh revarden soratutt:
- La crittazion di dacc che hinn decrittaa domà se l'è pagada ona somma, ossia i ransomware
- La registrazion di immagin sessualment esplicitt e 'l ricatt de diffusion de la se paga no 'na somma
- La menasca de 'n attacch informategh se l'è pagada no 'na somma
Guerra Modifega
La guerra informatega a l'è, similment al terrorism, l'attacch faa a dì infrastruttur cont di mezz informategh.
Computer 'me obietiv Modifega
In del computer 'me obietiv el sistema informategh a l'è obietiv de 'n azion criminala, sia attivament, cont l'installazion di malware, che passivament, cont on attacch al sistema.
Computer 'me istrument Modifega
In del sistema del computer 'me istrument el computer a l'è doperaa 'me mezz per compì di riatt pussee che 'me obietiv di riatt. Per esempi i truff faa via Internet o el spam a hinn in la categoria del computer 'me istrument.
Molestij Modifega
I molestij online includen el ciberbullism e 'l revenge porn che han menaa anca a di suicidi.
Droeuga Modifega
In di mercaa Darknet a l'è venduda anca de la droeuga e despess i trafficant doperen di sistema crittaa per comunicà cont i sò dipendent. On esempi famos a l'è staa Silk Road, che 'l permetteva el vend de droeuga in del sò sitt in sul Dark web.
Azion de prevenzion e protezion Modifega
Awareness Modifega
L'awareness a l'è el desvilupp de la consapevolezza in su la sicurezza e 'l crimen informategh de part de tucc i utent cont di politegh pensaa apposta per fàll e volzà la sicurezza informatega e sbassà i possibilità del crimen informategh de agì.
Legg Modifega
La legg la pò mett di criteri de seguì per volzà la sicurezza informatega e di sanzion specifich per i riatt informatich, de solit i dò mesur a hinn tolt insemma, in manera de fà pussee gramm l'attaccà di servizzi informatich e castigà quej che 'l fann.
Tecnega Modifega
Intelligence Modifega
Riferiment Modifega
- Il reato di Phishing
- Truffe, hacker e prelievi sul conto online: come difendersi
- Storia di un furto informatico da un miliardo di dollari
- Ragazze, droga e sicari da assoldare: tutti gli affari sporchi del Dark Web
- Cos’è davvero Silk Road, l’Amazon delle droghe
- Estorsione o ricatto sessuale online : cosa fare e cosa non fare
- Sicurezza informatica, cyber estorsione pericolo concreto per aziende
- Estorsioni informatiche via mail, che fare? Niente panico
- Miniguida contro il sexting e le sue estorsioni
- CYBER TERRORISM: COS’È E COME DIFENDERSI
- Cyberterrorismo
- UNPACKING CYBER TERRORISM
- "Cyber warfare”, ora la guerra si fa col computer
- Cyber Crime - Computers As Targets Or Criminal Tools
- Ciberbullismo
- Revenge porn e cyberbullismo sessuale, giovani a rischio
- Le buone pratiche nella cybersecurity: fattore umano ed awareness