Lumbard ucidental Quest articol chì l'è scrivuu in lombard, grafia milanesa.

Ona favola[1] l’è ona fatta de storia piscininna che tipicament la representa di personagg e creatur fantastegh de l’imaginari popular, come di dragh, elf, fad, gigant, gnomm, folitt, sirenn, nimaj che parlen, unicorna o strïj. I favel se distinguen dij olter gener litterari de cunt popular come i legend – che, per el solet, hinn inradisaa almanch in part ind la veritaa o ind dij event ch’hinn suzzeduu delbon –[2] e i olter stori che ciarament gh’hann prenzipalment on significaa moral, compagn di fiab. El termen l’è, perciò, soratutt dovraa per i stori che se originen ind la tradizion europea e – per el manch ind i secoj pussee recent – i favel hinn vegnuu per la pupart di cunt per bagaj.

On’inlustrazion de on liber de favel.

Ind el parlà normal, la parolla l’è anca doperada per dij espression che descriven on quajcoss che l’esprimm felizitaa, come in “on final de favola”[3] o “s’hinn namoraa come ind i favel”. Ind el parlà de tucc i dì ona “favola” l’è anca on cunt balzan, e in quell contest chì la parolla la se referiss a ona ballotta, ona storia che l’è minga vera.

I legend hinn per el solet consideraa ver ind i sò cultur; i favel pœuden mes’ciàss sù cont i legend se a hinn inradisaa ind dij event istoregh ind ona quaj manera. A bon cunt, i favel hinn descompagn di legend e poëmma epegh ind el sò avèggh nomà di referiment superfiziaj a la religion, personn e sitt del mond real.

Despess i cunt favolistegh hinn introdusuu cont la fras “a gh’era ona vœulta”, e hinn donca ambientaa in er lontann inscambi che ind el dì d’incœu.[4]

Referez Modifega

  1. Dizionario milanese-italiano del Cherubini
  2. Bettelheim, Bruno (1989). The Uses of Enchantment: The Meaning and Importance of Fairy Tales, wonder tale, magic tale. New York: Vintage Books, 25. ISBN 0-679-72393-5. 
  3. 'Fairy-tale ending' – the meaning and origin of this phrase.
  4. Orenstein, p. 9.

Olter progett Modifega