Festa Nazionala del Liechtenstein
La festa nazionala del Liechtenstein (Staatsfeiertag in todesch) a l'è la principal festività civica del Liechtenstein, che la se festeggia el 15 de agost, in contemporanea al Faravost.
A l'è stada missa del Franzesch Isepp II del Liechtenstein in del 1940, du agn dòpo del sò San Martin al Castell de Vaduz, con l'obietiv de resist ai spint nazionalista pantodesch del nazionalsocialism e de unì tucc i cittadin del Prenzipaa intorna ai valor de Prenzip e Pòpol. Dòpo de la mort del Franzesch Isepp, sotta del regn del Giovann Adamm, el center de la festa el passa del Prenzip al Pajes, anca se hinn restaa i element tradizionai tant 'me el falò, el motto "Per Dia, el Prenzip e la Pàtria" in sul Castell, el cant de l'inn nazional, el descor del Prenzip e l'esposizion di bander.