Ladislav I de Polonia

Quell articol qì l'è scrivud in Lombard, cond l'ortografia Scriver Lombard.

Ladislav I, ciamad ol Cœrt (in polac: Władysław I Łokietek) (1261 - 2 de marz del 1333), l'è stait un nobel polac de la dinastia Piast, duca fina al 1300, e dopo princep de Cracovia dal 1305 fina a la so incoronazion ol 20 de jenar del 1320 come re de Polonia.

Titoi reai

• Prima de l'incoronazion: Wladislaus Dei gracia, dux Regni Poloniae et dominus Pomeraniae, Cuiavie, Lanciciae ac Siradiae;

  traduxid dal latin: Ladislav, per grazia de Dé, duca del Regn de Polonia e Scior de Pomerania, Cuiavia, Łęczyca e Sieradz.

• Dop de l'incoronazion: Wladislaus Dei gracia, rex Poloniae et dominus Pomeraniae, Cuiavie, Lanciciae ac Siradiae

  traduzion: Ladislav per grazia del Signor Re de Polonia e Scior de Pomerania, Cuiavia, Łęczyca e Sieradz

Biografia

L'è stait princep de la Granda Polonia dal 1296 e re de Polonia dal 1320; l'era ol s'ciet del Casimir I de Kujawy e l'ha ereditad ol titol ind el 1275. Elejid princep dai nobei de la Granda Polonia, l'ha perdid la so fedeltaa e ind el 1300 ol re Venceslav III de Boemia l'è stait incoronad al so post come re de Polonia. Ladislav in seguet l'ha circad de mantegner la so pretesa al trono polac; col sostegn del papa Bonifaci VIII l'ha començad una guerra contra ol Venceslav, un conflit complicad dai ambizion dei cavalier teutoneg. Ol Ladislav l'è stait incoronad ind el 1320 a Cracovia, l'ha vencid i cavaler ind el 1331 e l'ha unid i princepads polac ind un regn œneg. I ligam intra Ungeria e Lituania i è stait strejid da una union matrimoniala.

Matrimoni e discendenza

Ind el 1293 ol Ladislav l'ha sposad la Edvije de Kalisz, s'cieta del Boleslav ol Devot e de la Iolanda de Polonia. Insema i ha havud ses fiœi:

• Stefen de Polonia († 1306).
• Ladislav de Polonia († 1311/1312).
• Cunegonda de Polonia (c. 1298 - 1331), qe l'ha sposad prima ol Bernard II de Schweidnitz, dal qual la gh'a havud dei fiœi intra i quai Bolko II de Schweidnitz; in segonde noze l'ha sposad ol Rodolf I de Sassonia-Wittenberg.
• Elisabeta de Polonia (1305 - 1380), qe l'ha sposad ol Carl I d'Ungeria.
• Casimir III de Polonia (1310 - 1370).
• Edvije de Polonia († 1320/1322).

Galleria

• 
  Stema dei Piast
• 
  Ol sijill
• 
  Particolar de la tomba ind la Catedral del Wavel
• 
  La Corona de Boleslav ol Corajos, qe in realtaa l'è staita creada per ol Ladislav I
• 
  La Polonia intra ol 1275 e ol 1300

Riferiments

• (IT) Ladislao I il Breve re di Polonia ind la Treccani