Lombard Occidental

Quel articul chì l'è scrivüü in Lumbard, cun l'urtugrafia insübrica ünificada.

Massimiliano Biaggi (Roma, Italia, 26 Giugn 1971) l'è stò un pilòta motociclistich italian, pluricampion dal mund cun 4 titul in da la Class 250 e 2 titul in da la Superbike.

Rivalità Modifega

Cun Valentino Rossi Modifega

Tra la fin di ann nuvanta e la metà dal dumila, i cumpetisiun dal Motomundial in stà caraterizàà da la rivalità spurtiva tra i 2 principal piloti italian: Valentino Rossi e Max Biaggi. La rivalità l'é cuminciada quand in dal 1997, in dal GP d'Italia, Valentino Rossi al vincc la gara da la Class 125: Rossi l'era solit festegià i vitori cun esibisiun e gesti guliardich in umagg ai tifus: in ca l'ucasiun Rossi al percur ül "gir d'unur" purtand cun lü su la moto v'una bambula gunfiabil cun sura via la scrita Claudia Skiffer (riferiment a la mudela tedesca Claudia Schiffer, ül nom l'é stò mudificà per evità di prublema giudisiari); in cal periud lì, Biaggi presumibilment al frequentava la mudela inglesa Naomi Campbell e ül gir da pista cun la bambula l'é stada una chiara alusiun iröniga al "divism" da Biaggi. Valentino Rossi in quei intervista al vegn paragunà a Biaggi, per via di sò triunf sui moto da 125cc inscì cum'é Biaggi al duminava da ann in da la Class 250. Quand un giurnalista l'ha dumandà a Rossi se al sa sentiva "ül Biaggi da la 125", Rossi al respund: «Mi ül Biaggi da la 125? Per mi l'é lü ül Rossi da la 250...» L'é un cuntinui inseguiment tra i 2: quand Rossi in dal 1998 al va in Class 250, Biaggi al va in Class 500. La rivalità la cuntinua a distansa fin al 2000, l'ann che entrambi i pilòti a garegian in dal stess Mundial, in Class 500. Biaggi in dal 2001 al vegniva da di stagiun cun poch success, atribuibil, a sò dì, in gran part a l'inadeguatèsa tecnica da la Yamaha, Rossi inveci, nunustant al fus arivà da poch ai moto da grand cilindrada e al cureva cun la Honda.