Moviment Fassism e Libertà - Partii Socialista Nazional
El Moviment Fassism e Libertà - Partii Socialista Nazional (Movimento Fascismo e Libertà - Partito Socialista Nazionale in italian) a l'è 'n partii politegh italian socialista nazional, l'unich a riferìss esplicitament al fassism in Italia, fondaa el 25 de luj 1991 del giornalista e Senator del Moviment Social Italian Giorgio Pisanò 'me Moviment Fassism e Libertà. In del 2009 a l'è giontada la dizion de Partii Socialista Nazional.
| Moviment Fassism e Libertà - Partii Socialista Nazional | |
|---|---|
| Movimento Fascismo e Libertà - Partito Socialista Nazionale | |
| Segretare | Carlo Gariglio |
| Stat |  |
| Fondazion | 25 de luj 1991 |
| Ideolojia | Fassism, Corporativism, Socialism nazional, Irredentism italian |
| Collocazion | Sinistra |
| Jornal | Il Lavoro Fascista |
| Inscrivids | 1500 (2014) |
| $fine | |
Storia Modifega
El moviment el nass in del 1989 'me corrent del MSI e la sortìss in del 1991, per la guida del Gianfranco Fini. In del 1995 el toeu part brevement al progett del Pino Rauti, Movimento Sociale - Fiamma Tricolore, per poeu sortìnn.
In del 2009 a l'è giontaa al nomm del partii "Partii Socialista Nazional".
Ideologia Modifega
El partii el refuda de vèss ciamaa de destra e neofassista, degià che l'è fondaa in sui teorij del Benito Mussolini de la Republega Sociala Italiana, pussee socialista a nivell econòmich e social cont di idej 'me el corporativism e la socializzazion de l'economia.
El refuda anca el razzism e la discriminazion religiosa, tant de avè deciaraa che "l'è mej on fassista negher e islamegh che on antifassista bianch e cristian". El moviment a l'è laich in sui quistion de lotta religiosa e l'è fortement anti-atlantista.
Dòpo de la mort del Giorgio Pisanò el moviment l'è deventaa anca assee antisionista e l'ha retegnuu valida la teorìa del complott giudaich.
Legg e elezion Modifega
El moviment a l'è staa pussee de 'na voeulta accusaa de vorè costituì ancamò el desligaa Partii Nazional Fassista, ma a l'è staa semper assolt perchè, anca se el dopera 'n simbolism fassista el reciama no direttament a quell partii che l'è proibii. A l'è però capitaa che gh'hann proibii de doperà el fass o la paròlla "fassism".
El partii l'ha tolt part ai elezion politegh del 1992 e in d'on poo de elezion locai: l'ha ciappaa di consiliee a Mura, Roatto, Parella e a Turin in del 2006 l'ha doperaa on simbol censuraa "Censurato e Libertà".