1980-1984: i agn a la Lotus
Modifega
Mansell el corr i prem cinch stagion de la sua cariera cun la Lotus, che in di prem agn Vutanta l'era mia cumpetitiva cume a la fen di agn Setanta. Ind el 1981, al Gran Premi del Belgio, el rüva el prem podi de la sua cariera cunt un terz post. Mansell el rüverà amò a podi quater volt in di agn a la Lotus. Ind el Gran Premi di Stat Ünì del 1984, Mansell el resta a secch a pochi meter del traguard: anca se gh'eren 40 gradi, el Leon el solta giò de la machina per rüzzàla; per la fadiga del Gran Premi e 'l cold, Mansell el se lasa giò e 'l se riciapa dopu l'intervent di sucuritur.
1985-1988: i prem agn a la Williams
Modifega
Ind el 1985 el pasa a la Williams, che la gh'eva el mutur Honda, fort ma amò inafidabel. I prugress faa in de la stagion, però, i marüden a la fen del campiunaa, quand Mansell el vinc dü Gran Premi de fila e Keke Rosberg, sò cumpagn de squadra, el vinc l'ültima cursa de l'ann. Ind el 1986 la Williams la pò cumbatt per el Mundial cuntra la McLaren, che l'era drè a duminà la Formula 1: dopu quater GP, Alain Prost sö McLaren l'è gemò in testa al Campiunaa, ma Mansell el rinvegn in de la part central de la stagion cun quater vitori in cinch Gran Premi. A l'ültim Gran Premi, in Australia, Mansell el gh'ha 70 punti cuntra i 64 de Prost e i 63 del sò cumpagn de squadra Nelson Piquet; a l'ingles el ghe s'ciopa però una guma a 19 gir de la fin e Prost el vinc el Gran Premi cun Piquet segund. Alain Prost el diventa Campion del Mund de la stagion 1986 denanz propi al Leon d'Inghiltera.
Ind el 1987 la Williams l'è la machina püssee forta e Mansell el venc ses Gran Premi cuntra i tri de Piquet, che però l'è püssee custant e 'l rüva a dü gar da la fen cun 12 punti de vantagg söl cumpagn de squadra. In di pröf liber del Gran Premi del Giapun, Mansell el fa un brütisem incident e l'è ubligaa a saltà i ültem dü Gran Premi de la stagion. Dopu un 1988 cun tanti ritiri e dü segund posti, el firma per la Ferrari per la stagion 1989.
1989-1992: i agn in Ferrari e la vitoria del '92
Modifega
L'ingles el cumincia ben la sua storia cun la Ferrari cunt una vitoria al prem Gran Premi de la stagion 1989, in Brasil. I dü agn in de la Scüderia, però, i van minga trop ben per l'ingles; ind el 1989 i ritiri hinn tanti e anca el 1990 l'è un ann pien de prublemi. Alain Prost, sò cumpagn de squadra, el cumbatt tütt l'ann cun Ayrton Senna per el mundial, ma a la fen el sarà el brasilian a vinc el Campiunaa del Mund in Giapun, cunt una manovra che la creerà un mar de pulemich.
Ind el 1991 el decid de turnà a la Williams, che l'era turnada cumpetitiva. La stagion del 1991 la cumincia cun tri ritiri per Mansell, che el ghe riess minga a recüperà i punti de svantagg sö Ayrton Senna. L'ann che ven l'è però una storia diversa: la Williams FW14B la domina el campiunaa e Mansell el demuless el cumpagn de squadra italian Riccardo Patrese: cun 9 vitori, 3 segund posti e 108 punti, Mansell el diventa Campion del Mund gemò in Üngheria, cinch Gran Premi prima de la fen del Mundial. Mansell, che urmai el gh'eva 39 agn, el decid de ritirass de la Formula 1.
1994-1995: el rientro e l'ültima vitoria
Modifega
Dopu la mort de Ayrton Senna, Mansell el vè ciamaa de la Williams per corr un quaj Gran Premi. El Leon el dimustra de vess amò cumpetitiv specialment a l'ültima gara de la stagion, quand el vinc el Gran Premi d'Australia. Ind el 1995 l'ingles el pröva a restà in Formula 1 cun la McLaren, ma la machina l'è trop inafidabel e Mansell, dopu dumà dü Gran Premi curüü, el se libera del cuntratt e 'l se ritira definitivament de la Formula 1.
.svg){kind=small}
Regn Unid
.svg){kind=small}
