Consej Lombard per la Lengua

(Rimandad de Ortografia del CLL)
Lumbard ucidental Quest articol chì l'è scrivuu in lombard, grafia milanesa.

El Consej Lombard per la Lengua (breviaa cont CLL, in de la so grafia Consêj Lumbaart për la Lengua) a l'è staa vun di primm sociazion in favor de la lengua lombarda, fondada in di agn '90. L'ha daa origin a voeuna di primm propost de grafia unitaria per el lombard.

Storia Modifega

Fondaa in di agn '90 el fa la soa prima proposta de grafia in del 1997. El sò sitt a l'è pu giornaa del 1998.

In del 2000 el sò principal esponent Giorgg Bosoni el presenta el sò manual, che l'è publegaa in del 2003. In del 2007 el Claudi Meneghin el fa 'na noeuva proposta per tutt l'arch padan che la doperaria la forma "-es" per el plural femminin.

Proposta ortografega Modifega

La proposta ortografega del CLL a l'era fonetega, ciovè la voreva reppresentà i dialett in la manera che se parnonzien, a differenza, per esempi, de la milanesa che la gh'ha di element de compromess o de la Scriver Lombard che l'è polinomega.

La dopera i dobbi vocaj per segnà la longhezza vocalega, el dopera la "f" per el segn "v" dur a fin de parolla menter 'l mett minga se l'è asonora in la parolla (esempi: noeuv, nööf - loeuva, lööa) e la dopera minga i vocaj dur a fin parolla (esempi "did", perché se dis "didin" e "didun")

Tabella vocalega Modifega

  • à = a curta e verta: Gàt, Ràt, Sàch (grafia classega = gatt, ratt, sacch, grafia ünificada = gat, rat, sach)
  • á = a longa e sarada: Parláda, Sganbáda, Stracáda (grafia classega = parlada, sgambada, straccada)
  • áa = a sarada longa: Páas, Andáa, Parláa (grafia classega = pas, andaa, parlaa)
  • ü = ü curta e verta: Tüc', Süc', Lüm (grafia classega = tucc, succ, lumm)
  • üü = ü longa e sarada: Lüüs, Vendüü, Müür (grafia classega = lus, venduu, mur)
  • ö = ö curta e verta: Incö, Böc', Pö (grafia classega = incoeu, boeugg, poeu)
  • öö = ö longa e sarada: Rööda, Vööj, Fööja (grafia classega = roeuda, voeuj, foeuja)
  • ë = vocal atona ciamada schwa, parnonziada a segonda del dialett : Përchè, Trinchël, Sempër (grafia classega = perchè, trinchel, semper)

Modifega

El logo a l'era ispiraa a la bandera istorega de Lombardia, che 'l deriva de la Cros de San Giorgg i letter CLL.

Riferiment Modifega