Lumbard ucidental Quest articol chì l'è scrivuu in lombard, grafia milanesa.

I pannèj radiant hinn di tubi, generalmént de materiàl plastegh miss denter in di struttùr del locàl (paviment, pared, soffitt). La struttura indoe che a hinn miss denter i pannèj la diventa inscì ‘na superfice radianta. I temperadur in di pannèj radiànt hinn generalmént comprés infra i 30 e i 40°C. Sòta i tubi el venn miss on strat de materiàl isolànt tèrmich per fa nò andà via el calór de bass, de sora inveci gh’è el materiàl che’l fa su el paviment indoe ch'a se tappascia.[1]

Riscaldamént a pavimént

Pannèj radiant e confòrt tèrmich Modifega

I pannèj radiant dann on bon confort tèrmich degià che el calor el ven tra intorna in simitria. El confòrt ottegnùu cont i pannèj radiant l’è, per quèlla resón chì, maggiór de quèll che ‘l se podarìss 'vègh per mèzz di radiatór. I pannèj radiànt pòden vèss doperàa anca d’estàa per el raffreddament, in quèll caso chì l’è necessari desinumedì, per evità de ‘vègh in ambiént on valór de umidità relativa tròpp alta e de evità la condensa in sui pannèj medèmm. Defàtt, la temperadura in su la superfice del pannèll la gh’hà de andà nò sòta la temperadura de rosada. Per quèst l’umidità la gh’hà de vèss trada via con di màcchin fa a pòsta per quèll lavorà lì. [2]

Vantagg e svantagg di pannèj radiant Modifega

Vantagg Modifega

  • Risparmi de energia: i bass temperadur hinn compatìbil con l’utilizzazión de sistèma bon de ingenerà el calór de manera efficiént compagn di caldér a condensa e di pomp de calór.
  • Confòrt tèrmich, grazie a la simitria che ‘l calór el ven tràa intorna.
  • La polver mòssa a càosa di moviment convettiv l’è de men.
  • Estetica migliora.
  • Pussée de silenziosità. [3]

Svantagg di pannèj radiant Modifega

  • Inèrzia tèrmica pussée elevada, donca la regolazion l’è pussée difficil.
  • Installazion pussée complicada, che la gh’hà besògn de ‘n progètt pussée curàa.
  • Spessór pussée gròss del paviment.
  • Besògn de regolà l’umidità con di alter sistèma in del caso che i pannèj vegnen dopràa per el raffreddamént d’estàa.[3]

Decision de la misura di pannèj radiant Modifega

Isolament tèrmich sòta i pannèj Modifega

Seconda conforma a la nòrma UNI EN 1264 sòta i pannèj radiànt el gh’hà de vèssegh on strat de materiàl isolànt che la soa resistenza tèrmica la gh’hà de vèss semper pussée granda quant l'è pussée bassa la temperadura de progètt de l’ambient de bass.

Ambient de bass /temperadura de l’ambiént de bass Resistenza tèrmica
Ambient de bass saràa riscaldàa 0,75 m2 K/W
Ambient de bass saràa minga riscaldàa o riscaldàa d'ona manera minga continua 1,25 m2 K/W
Ambient de foeura con Te>=0°C 1,25 m2 K/W
-5°C<Te<0°C 1,50 m2 K/W
-15°C<=Te<-5°C 2,00 m2 K/W

[4]

Decision de la potenza de emission per unitaa de superfice Modifega

Seconda conforma a la nòrma UNI EN 1264-1 a gh’è du métod pràtegh de calcolà el fluss tèrmich:

Primm metod Modifega

 

indoe:

q l’è el fluss tèrmich ( in W/m2 );
B l’è on fattór stabilìi de la nòrma […] che ‘l ten in cunt la resistènza tèrmica sòta i pannèj ( in W/ m2 K );
aimi a l’è on prodòtt de coefficent dedòtt de la nòrma a seconda del sistèma radiànt adottàa […];
∆Tma a l’è el salt de temperadura medi logaritmich   indoe Tm l’è la temperadura de mandada de l’impiànt radiant, Tr quèlla de ritorna, Ta la temperadura de l’ambient, tucc i temperadur hinn esprèss in °C o K.[5]

Segond metod Modifega

 

indoe tf a l’è la temperadura media del pavimént e ta quèlla de l’ambient [ °C o K]. Quèll métod chì l’è pussée approssimatìv degià che el ten nò in cunt el tipo de pannèll radiànt scernìi

I temperadùr del pavimént màssim impòst de la nòrma UNI EN1264 hinn 29°C per la sala, 33°C per el bagn o di zònn compàgn, 35°C per di zònn de periferia.

In alternativa a la nòrma UNI EN 1264 hinn disponìbil di tabèll fàa apòsta, despèss fornìi di aziend produttór.[6]

Calcol de la longhèzza di tubi Modifega

 

indoe pass l’è la distanza infra i tubi miss giò, in meter, A a l’è l’area quattada del pannèll radiànt, L a l’è la longhèzza del tubo del circùit in esàmm.[7]

Calcol de la portada de fornì al circuit Modifega

  (in liter al segond)

indoe:

Q l’è l’emission per unitàa de superfice in W/m^2;
A l’è la superfice quattada del pannèll radiànt;
∆T l’è el salt de temperadura in °C o K de l’acqua in del pannèll;
1000kg/m3 l’è la densità de l’acqua;
4190J/kg K a l’è el calor specifich de l’acqua;
1,1 a l’è ‘n coefficént de sicurèzza.[7]

Calcol de la pèrdita de caregh idraulich del circuit Modifega

I pèrdit de caregh idràulich del pannèll pòden vèss calcolàd per mèzz de quèlla formola empirica chì:

 

indoe che:

L l’è la longhèzza del tubi che ‘l fa su el pannèll radiànt in meter;
T l’è la temperadura de esercizzi de l’impiànt in °C;
M l’è la portada che la va in gir in del circùit in l/h;
d l’è el diameter dedenter del tubo in millimeter;
∆p hinn i pèrdit de càregh idraulich esprèss in millimeter.[7]

Vos correlad Modifega

Riferiment Modifega

  1. Mauro Villarini, Domenico Germanò, Francesco Fontana, Maurizio Limiti (2010). Sistemi solari termici per la climatizzazione (in italian). Maggioli Editore, 84-85. ISBN 978-88-387-5438-1. 
  2. Mauro Villarini, Domenico Germanò, Francesco Fontana, Maurizio Limiti (2010). Sistemi solari termici per la climatizzazione (in italian). Maggioli Editore, 85. ISBN 978-88-387-5438-1. 
  3. 3,0 3,1 Mauro Villarini, Domenico Germanò, Francesco Fontana, Maurizio Limiti (2010). Sistemi solari termici per la climatizzazione (in italian). Maggioli Editore, 87-88. ISBN 978-88-387-5438-1. 
  4. Mauro Villarini, Domenico Germanò, Francesco Fontana, Maurizio Limiti (2010). Sistemi solari termici per la climatizzazione (in italian). Maggioli Editore, 89. ISBN 978-88-387-5438-1. 
  5. Mauro Villarini, Domenico Germanò, Francesco Fontana, Maurizio Limiti (2010). Sistemi solari termici per la climatizzazione (in italian). Maggioli Editore, 89. ISBN 978-88-387-5438-1. 
  6. Mauro Villarini, Domenico Germanò, Francesco Fontana, Maurizio Limiti (2010). Sistemi solari termici per la climatizzazione (in italian). Maggioli Editore, 90. ISBN 978-88-387-5438-1. 
  7. 7,0 7,1 7,2 Mauro Villarini, Domenico Germanò, Francesco Fontana, Maurizio Limiti (2010). Sistemi solari termici per la climatizzazione (in italian). Maggioli Editore, 93. ISBN 978-88-387-5438-1.