Pastafarianesim
El Pastafarianesim l'è ona religion nassuda in del giugn del 2005 per l'oeuvra del profeta Bobby Henderson.
Di sòlit, l'è ritenuda ona religion ironega anca se i pastafarian disen che l'è minga inscì.
La cardenza pastafariana Modifega
I pastafariani i gh'han vott Condiment, ch'hinn i sò regoll de vita.
Per la tradizion pastafariana, i condiment i eren des, ma el Capitani Mosey ha perduu dò tavol, e donca quej rivaa a numm hinn domà vott.
I vott condiment, in sintesi, hinn:
- Te gh'het minga de fà l'asen pussee bigot de ti: Son minga inscì gelos.
- Dopera minga la mè esistenza 'me scusa per schiscià, castigà, coppà o vess cattiv cont i alter. Voeuri no sacrifizi, e la purezza la va ben per l'aqua che la se pò bev, minga per i person.
- Giudega no i person per quel che paren.
- Offendet minga.
- Mi voeuri no che te combatt i bigott a stomegh voeud, magna e despoeu resia cont i s*****.
- Spenda minga danee per fa su di ges dedicaa a mi, dopera mej i danee.
- Rompa no i b*ll a tucc per dì che ti te set pastafarian.
- Drova el goldon. In fin di cunt, l'è domà on tocch de plastega!
Per Stat Modifega
Gesa Pastafariana Italiana Modifega
In Italia l'associazion di pastafarian la se ciama "Chiesa Pastafariana Italiana". L'è dividuda in "Pannocchie", che l'è squasi semper vuna per provincia. La guida de la "pannocchia" la se ciama "Frescovo".
El cap de la Gesa Pastafariana Italiana l'è el Pappa, ciamaa anca "Pastefice massimo". El primm Pappa l'è staa el Giorgio de Angelis, che 'l ciappa el nòmm de Al Zarkawi. Incoeu l'è el Marco De Paolini, che 'l ciappa el nòmm de Cap. Pizzocchero.
La Gesa la gh'ha anca on Consili ciamaa "Concistoro". I so member hinn ciamaa "Scardinali".
Iniziativ Modifega
L'iniziativa di pastafarian italian pussee famosa l'è quella di "Tagliatelle in piedi", che manifesten contra i "Sentinelle in piedi", on moviment che 'l voeur no i diritt ai gay, e l'han faa a partì de on'ideja del Gianpeder Belott, che l'era andaa ad ona manifestazion vestii da Nazista del Illinois.