Lumbard ucidental Quest articol chì l'è scrivuu in lombard, grafia milanesa.

La pizza Margherita a l’è la tipica pizza napolitana, condida con tomates, mozzarella (per tradizion a l’è doperàa el fior de latt, e minga la mozzarèlla de bufala), [1], basilich frèsch, saa e òli; a l’è, insèma a la pizza marinara, la pizza italiana pussée famosa.

Pizza Margherita
Origen
Pòst d'origenItalia Italia
RegionCampania
Spantegamenttutt el mond
Creaa deRaffaele Esposito
Dettaj
Categoriapiatt unegh
Ingredient principajper l'impast: farina de gran tender (tipo 0 o 00 , o un messedozz de tucc e duu), levaa naturall o levaa de birra, saa e aqua.
Condiment: tomates, fior de lacc, basilegh fresch, saa, oeuli
 

La rappresenta de sigur el simbol per antonomasia (intra i tanti gust) del patrimòni cultural e gastronòmich italian, l’è voramai cognossuda in tutt el mond e in tucc i sò variant grazie a la soa fama.

Stòria Modifega

La legénda la cunta su che in del giugn del 1889, per onorà la Regina d'Italia, Margherita de Savoia, el coeugh Raffaele Esposito de la Pizzeria Brandi l’ha inventàa ‘na una pitànza e l’ha ciamada pròppi Pizza Margherita[2] (con riferiment al fatt che la paròlla "pizza", che la conosseva nissùn ai quèj temp là, foeura che ind la città de Napoli, la designava aquas semper i tort dolz), indoe i condiment salaa che gh’eren capità tra i man, tomates, mozzarèlla e basilich, rappresentaven addirittura pròppi i color de la bandera italiana.

 
Targa de commemorà i cent ann de la nascita de la pizza

Second di studi filologich de pòcch temp fa, però, la stòria de la pizza Margherita pareggiada la primma vòlta del “Brandi” la sarìss on “fals stòrich". El filologo Emanuele Rocco, ind del second volumm del liber Usi e costumi di Napoli e contorni descritti e dipinti del Francesco De Bourcard miss foeura in del 1858, l’ha scrivùu de vari combinazion de condiment con diversi ingredient ch’infra de lor gh’hinn basilich, “tomates” e “fètt suttil de mozzarèlla”[3]: [4]: La mozzarèlla la vegniva tajada a fètt suttil, despòst in su la salsa de tomates pròppi a forma de margherita, e poeu a se giontaven di foeuj de basilich.

 
1858, el Pizzaioeu, F. Palizzi diségn, F. P. incision, Usi e costumi di Napoli e contorni descritti e dipinti vol. 2, p.172

Per de pù, giamò in del 1830, on cèrt "Riccio", in del liber Napoli, contorni e dintorni, l’eva descrivùu ‘na pizza fada su cont i tomates, la mozzarèlla e ‘l basilich.[5]

Note Modifega

  1. Mozzarella vs fiordilatte. La pizza non può più raccontarti una bufala. URL consultad in data 13 maggio 2014(arqiviad de l'url orijenal in data 9 agosto 2017)
  2. Arturo Iengo, Cucina Napoletana: 100 Recipes from Italy's Most Vibrant City (in en), New Holland Publishers, 2008. 1-84537-989-6 URL consultad: 27 maggio 2014.
  3. Francesco de Bourcard, Vol. II, pag. 124.
  4. citazion: “I pizz pussée ordinàri, o ben cont l'aj e l'òli, gh’hàn ‘me condiment l'òli, e de sora a ghe se spantegen, el saa, e poeu l'orighen e i fés d'aj trinciàa a tochèlitt. Di alter hinn quattàd de formagg grattàa e condìd cont el strutt, e donca ghe se mètt de sora ona quaj foeuja de basilich. Despèss al princippi ghe se gionta adrèe del pèss piccol, e poeu di fètt suttìj de mozzarèlla. Di vòlt a se usa el giambon tajàa a fètt, di (tomates), di arsell, ecc. Di vòlt con el doppiàa la pasta a sarà su la pizza el se fa su quèll che ’l ven ciamàa calzon ” da Francesco De Bourcard, Usi e costumi di Napoli e contorni descritti e dipinti”, Vol. II, pag. 124
  5. 120 anni della pizza (articolo di Repubblica). URL consultad in data 9 settembre 2011.

Bibliografia Modifega

  • Francesco de Bourcard, Usi e costumi di Napoli, riedizione in copia anastatica, tiratura limitata a 999 copie, Napoli, Alberto Marotta [1866], 1965.

Vos correlaa Modifega