Chest artícol a l'è scricc in Lumbàrt, ortograféa orientàl unificàda.


Pontàgna (nòm uficiàl en italià: Pontagna) l'è 'na frasiù del cümü de Temù. L'è sitüàda endela part piö àlta de la Al Camònega, en Pruìncia de Brèsa, a presapóch en chilòmetro e mès del cèntro comünàl e a 'n pér de chilòmetri de Put de Lègn. Pontàgna el g'ha piö o méno 300 abitàncc e 'l se tróa a 1166 méter söl leèl del mar. L'è streersàt del fiöm Òi.

La céza de S. Marìa

Del 1797 al 1927 (föra che per el perìot 'ntra 'l 1810 e 1816) el g'ha fat cümü de per sò cönt. Del 1928 l'è stat agregàt a 'l cümü de Temù.

Del pónt de vìsta de l'aministrasiù religiùza, la sò comunità l'è stada istitüìda en paròchia endel 1899. La sò céza l'è dedicàda a Santa Maria Nascente.