Apri il menu principale
Lumbard ucidental Quest articol chì l'è scrivuu in lombard, grafia milanesa.
Desktop del sistema operativ

Red Star OS a l'è el sistema operativ de la Corea del Nord, desviluppaa dal 2002 dal Korea Computer Center per sostituì i sistema operativ occidentai in sui computer del Paes.

SpecìfichModifica

Red Star OS el deriva de Fedora e 'l gh'ha dent el browser Naenara, version modifegada de Firefox bona de navegà in sul Kwangmyong, on editor de test, 'na suite de offizi, on client mail, di player per audio e video e di videogioeugh. El gh'ha dent anca Wine, che 'l permett de eseguì la pupart di software per Windows in sul Linux.

VersionModifica

Version 1Modifica

La prima version a l'è sortida in del 2008 e l'era graficament ispirada al Windows XP. La gh'eva dent 'na suite per l'offizi, el browser Naenara e Wine. Nissuna version del sistema a l'è stada portada in Occident.

Version 2Modifica

La version 2 a l'è sortida in del 2009 e l'éra sèmper ispirada a Windows XP. L'éra venduda a 2000 Won, circa 15 dollar.

Version 3Modifica

La version 3, relassada in del 2012, la mett on design ispiraa al Mac OS e 'l support a IPv6. Di fonzion de sorvelianza de l'utent a hinn preinstallaa in del sistema, 'me la firma de tucc i fìle vist del sistema, la protezion di fonzion de sorvelianza e l'access de root negaa.

Version 4Modifica

De la version 4 se sa pocch e se pènsa che la sia in test dal 2017: A l'è segnada in di header di server de la Air Koryo.

Vos corelaaModifica