Rifrazion

Quest articol chì l'è scrivuu in lombard, grafia milanesa.

La rifrazion a l’è on fenòmen òttich per el qual quand la lus la passa de on mèzz pussée dens a vun manc dens la se slontana de la normàl (o ben la linea perpendicolar a la superfice de separazion intra i du mèzz). Quand che inscambi la lus la passa de on mèzz men dens a vun pussée dens la se vesina a la normàl. Compù l’angol che la lus la ven desviada a l’è grand, compù i materiaj gh’hann ‘na diversa densità e quant pussée grand a l’è l’angol de incidenza. La deviazion la varia anca in funzion de la longhèzza d’onda.

La rifrazion de la lus in su la superfis de contàtt tra du mèzz che gh’hànn na densità e donca on indes de rifrazion divèrsi.

Leg del Snell

La var la relazion infra i angol de incidenza e de rifrazion (leg del Snell):

${\frac {\sin \theta _{1}}{\sin \theta _{2}}}={\frac {v_{1}}{v_{2}}}={\frac {n_{2}}{n_{1}}}$

indoe

${\theta _{1}}$ a l’è l’angol de incidenza;

${\theta _{2}}$ a l’è l’angol de rifrazion;

${n_{1}}$ e ${n_{2}}$ hinn i indes de rifrazion di du materiaj;

${v_{1}}$ e ${v_{2}}$ hinn i velocità de la lus in di du materiaj.

Sora on cert valor de l’angol de incidenza la succed pù la rifrazion ma domà la riflession (se gh'hà la riflession totàl), sòta quèll valor chì inveci el ragg incide nel subiss in part rifrazion e in part riflession. Che valor chì a l’è

${\theta _{limite}}=arcsen{\frac {n_{1}}{n_{2}}}$

La canètta la par fada in du, per via de la rifrazion de la lus fra l’acqua e l’aria

.

Il front d'onda quand che ‘l va dent ind on mèzz cont on indes de rifrazion maggior.

Rifrazion de la lus in de l’acqua. El rettangol scur el rappresenta la posizion vèra de la pènna poggiada in del biccér. El rettangol ciàr el rappresenta la posizion apparent de la pènna. Notà che la fin (X) la par che la sia in (Y), ‘na posizion manc de bass de (X).

Vos correlaa

• Miragg
• Arcobalen
• Lus
• Posizion apparenta del sol