Rumàn Capitel Quindes

Quel articul chì l'è scrivüü in Lumbard, cun l'urtugrafia insübrica ünificada.

Rumàn

La Parola de'l nost Signur ciapada inscí cuma l'è de'l Növ Testament e vultada adess del test uriginal grech in del nost parlà Insübregh del didincö.

Capitel Quindes

¹E nümm, i fort, gh'èmm de purtà i debuléz di dèbuj e de piasèmm no. ²Ognidün de nümm el gh'avarìa de piasè 'l sò prossim in del bun per el fà sü; ³già che anca 'l Crist el s'è piasüü, ma cuma l'è scritt: «I sarad de quij che te remenen hann burlaa giò sü mì». ⁴Già che tant quant hinn scritt prima, tücc hinn staa scritt per el noster insegnamént, perchè per mèzz de la perseveranza e per mèzz de l'incuragiamént di Scritür gh'àbium la speranza. ⁵E che 'l Diu de la perseveranza e de l'incuragiamént el ve daga d'avègh i medemm pensee el vün intra i alter segund Crist Gesü, ⁶perchè cun vöna mént, cun vöna buca daguv gloria a Diu e Pader del noster Signúr Gesü Crist.
⁷Dunca, ricevii el vün i alter cuma anca Crist el m'ha ricevüü a la gloria de Diu. ⁸Già che disi che Crist l'è devegnüü minister de la circuncisiún per la veritaa de Diu per cunfermà i prumèss di pader, ⁹e che i naziún daghen gloria a Diu per misericordia, cuma l'è scritt:
«Per chèst te cunfessaruu intra i naziún
e cantaruu salm al tò nomm».
¹⁰E de növ el dis:
«Che gh'àbiuv letizia, naziún cun la sua gént!».
¹¹E de növ:
«Decantee 'l Signúr, tücc i naziún,
e che tücc i naziún el loden».
¹²E de növ l'Isaia 'l dis:
«La sarà la radis de Jesse,
e lü che 'l s'alza per regnì sü i naziún,
in de lü i naziún sperarànn».
¹³E che 'l Diu de la speranza 'l v'impiena de tüta la letizia e la pas in del cred, e per fàv avègh püssee che assee in de la speranza in de la puténza del Spirit Sant.
¹⁴E sun cunvint, mè fradèj, anca mì medemm sü vialter, che vialter medemm hinn pièn de buntaa, impienii de tüta la cugnussénza, capaz de visàv el vün i alter. ¹⁵E v'huu scritt püssee curagiusamént in de part cuma regurdanduv sü la grazia che 'l m'è stada dada de Diu, ¹⁶perchè mì sia minister del Crist Gesü a i naziún, ministrand in del servizi del vangel de Diu, perchè l'ufèrta di naziún la devégna acetabila, fada santa in del Spirit Sant. ¹⁷Dunca, gh'huu 'l vant in del Crist Gesü, i robb sü Diu; ¹⁸già che vulzaruu dì quajcossa de quij Crist l'ha minga uperaa per mèzz de mì per l'übediénza di naziún, cun parola e aziún, ¹⁹cun puténza di sègn e meravèj, cun puténza del Spirit Sant; perchè mì impieni 'l vangel del Crist de Gerüsalèmm e inturna fin a l'Ilirich, ²⁰e inscì ambiziús de predicà 'l vangel due 'l Crist l'è minga staa numinaa, per fà no sü sül fundamént d'un alter, ²¹cuma l'è scritt:
«Vedarànn lur a i quij l'è minga nunziaa sü lü,
e quij che hann minga sentii caparànn».
²²Dunca, anca sun impedii tant de vegnì a vialter; ²³Ma degià che gh'huu pü lögh intra chèst regiún, e degià che gh'huu 'l desidéri de vegnì a vialter de tant témp, ²⁴cuma forsi andaruu in de la Spagna; già che a speri, intanta che passi, de vedèv e de vèss cumpagnaa de vialter fin là, se prima mì sarìa sudisfaa de vialter un puu. ²⁵E adèss vuu a Gerüsalèmm per servì i sant. ²⁶Già che a la Macedonia e a l'Acaja l'è piasüü de fà quajdüna cuntribüziún per i por di sant che hinn a Gerüsalèmm. ²⁷Già che l'è piasüü a lur e hinn i lur debitúr; già che se i naziú hann ciapaa part in di lur robb spiritüaj, gh'hann de servìj anca in di robb carnaj. ²⁸Dunca, degià che huu cumpii chèst e huu marcaa chèst frütt per lur cunt un sigill, vegnaruu per mèzz de vialter in de la Spagna; ²⁹e savi che vegnaruu a vialter in de la pienéza de la benediziún del Crist.
³⁰E v'esurti, per mèzz del noster Signúr Gesü Crist e per mèzz del bén del Spirit, a cumbatt insèma cun mì in di preghér per mì a Diu, ³¹perchè mì sìa liberaa di quij che hinn desübediént in de la Giüdea, e che 'l mè servizi a Gerüsalèmm el sìa acetabil a i sant, ³²perchè mì requi cun vialter cun letizia quand vegni a vialter. ³³E che 'l Diu de la pas el sìa cun tücc vialter, amén.

Navigaziun

• ← Indree a Capitel Quatordes
• Inanz a Capitel Sedes →
• A l'indes