Chest artícol a l'è scricc in Lumbàrt, ortograféa orientàl unificàda.


Sivià (nom uficial en italià Siviano) l'è giü dei paizì de Muntìzola. El se tróa endela part setentriunàla de l'ìzola en mès al Lach d'Izé, ultàt envèrs la còsta bergamàsca, en mìra a Taèrnola. La se tróa a 265 méter de altèsa söl leèl del mar, en otentìna piö àlt del leèl del lach d'Izé. Sivià el g'ha presapóch 420 abitàncc.

Enfìna al 1928 el fàa cümü de per sò cönt, quan che, endel quàder de 'na reorganizasiù generàl de le autunumìe locài, l'è stat tacàt ensèma al cümü de Peschéra a furmà el cümü nöf de Muntìzola. La sò céza parochiàla l'è dedicàda ai Sancc Faüstì e Gioéta.