Lombard Quell articol qì l'è scrivud in Lombard, cond l'ortografia Scriver Lombard.
Godło Rzeczypospolitej Polskiej
Blasonadura
De ross a l'agola d'arjent armada, becada e coronada d'or

Ol Stema de la Polonia (in polac Orzeł Biały - Agola Bianca) al representa un'agola d'arjent (de color bianc) con corona, ongie e bec d'or, sora un scud ross.

Ol stema dovrad adess l'è stait adotad ol 9 de fevrer del 1990, quand qe l'è staita rimetida sol coo de l'agola la corona d'or, tirada vià dei autoritaa comuniste de la Republega Popolara de Polonia.

Storia Modifega

Segond la legenda, l'Agola Bianca la g'ha orijin quand qe ol Lech, lejendare fondador de la Polonia, l'ha vest ol nin de un'agola bianca e al l'ha interpretad come un simbol de bona sort, donca l'ha fondad lé la citaa de Gniezno (gniazdo al vœl dir nin). Quand qe l'agola l'ha dervid i so ale e l'ha tacad a sgolar, un raj de sol ross da ovest l'ha colpid i ale, qe i someava insé dore; ol rest l'era tut bianc.

Ol simbol de l'agola l'è comparid la prima vœlta su dei monede ind el regn del Boleslav I (992-1025), come stema de la fameia Piast. L'è probabel qe l'uxell al fœss una Haliaeetus albicilla, ma g'è anc dei oltre possibilitaa. A'l prencepe del XII secol, l'agola l'ha començad a comparir sora i scuds, i insegne, i monede, e i sijill de i duca Piast. L'è stait catad for come stema de la Polonia ind el regn del Przemysł II, per regordar ol temp dei Piast, inants del desligament de la nazion.

Evoluzion Modifega

Vox conrelade Modifega