Lumbard ucidental Quest articol chì l'è scrivuu in lombard, grafia milanesa.

La Valassina (inscì anca in Italian) a l'è ona vall de la Provincia de Còmm, indove el passa la prima part del percors del fiumm Lamber. L'è situada in del Triangol Larian, var a dì la zòna che la se troeuva in mezz ai duu ramm del Lagh de Còmm.
El paes pussee important de la vall, tanto che ghe da anca 'l nòmm, l'è 'l comun de Ass. Alter center a hinn Canz (che però queivun el considera anmò brianzoeu), Lasnigh, Rezzagh, Caj, Valbròna, Sorman, Magrej, Civenna e Barni (oltra al vegg comun de Ònn, che al dì d'incoeu el se troeuva in del comun lecches de Olivee). El princippi de la vall, inscì 'me la fin de la Brianza, l'è segnaa de la cascada de la Vallategna.

Duranta el Medioev, la Valassina l'è stada voeuna di piev de l'Arcidiòcesi de Milan.