Val Colla (vall)
La Val Colla (inscì anca in Italian) l'è ona vall del Canton Tesin.
L'è traversada del Cassaraa e i sò mont pussee important a hinn el Camoghè e la Gazziroeula. A est de la Gazziroeula a gh'è 'l Pass San Luzi, che 'l mena a la Val Cavargna (Italia). Alter mont important a hinn el Barr, el Brè, i Dencc de la Veggia la Scima de Fiorina.
Tra i alber che cress in de la vall a cuntom i foo, el castegn, la beola, el lares e l'abiezz.
In de la Val Colla se troeuven i paes de Valcolla, Scertara, Bogn, Sciumadera, oltra a quei de Curtina, Cozz, Colla, Inson, Maj, Piandera, Scareja, Signora. Tucc 'sti paes, in del 2013, taccarann a toeu part al comun de Lugan.
Coltura Modifega
La Val Colla, in passaa, l'eva cognossuda per i sò magnan, che se spostaven per tutt l'Europa. In tra de lor i drovaven on gergo ciamaa ruggin (tant 'me i magnan cavargnon i gh'eren el rongin). I abitant de la Val Colla in Lombard se ciamen colletta ([ko'lɛta]).