Lumbard ucidental Quest articol chì l'è scrivuu in lombard, grafia milanesa.

El Villàgg Falck a l’è on paesin operari costruìi in del sècol quèll di vint a Sèst San Giovànn, prèss a Milàn. L’è staà realizzàa come espansión del Villagg Attilio Franco. El nòmm l’è sortì di fonderij sestés che gh’aveven l’istèss nòmm. L’è stàa costruìi a partì di ann vint per andagh incontra a la continua necessità de abitazión per i operari di stabilimént Falck.

I primm abitazión hinn stàd miss denter in di lòtt de tèrra separàa per mèzz di strad del villàgg medèmm e i nòmm di vij originari (via Bergamo, via Brescia, via Lecco) ghe faséven riferimént ai leough de la primma immigrazión de manodòpera impegnada per la lavorazion de l'azzal. El paesìn el gh’aveva denter on asilo, intra i primm in Italia[1] a doperà el métod Montessori[2], 'na scoeula elementàr, 'na gesa, una speziarìa e divèrsi negozzi[3].

In del cors de la segonda guèrra mondial e soratùtt in del cor sdi grand sciòperi del 1943 e del 1944 el Villagg Falck l’è diventà on pont de riferimént importànt per la Resistenza contra a 'l nazifascismo[4], tant de provocà on azion intimidiatòria bestiál in de l’agóst del 1944, quand che du operar hinn stàa s’cioppettàa denánz del Cìrcol San Giorgio e i sò cadàver hinn stàa miss foeura come avvertimént. Per fa memòria de quèl tràgich avvenimént l’è stada missa giò 'na làpida.

Caratteristich Modifega

El Villagg Falck l’è stàa realizzàa in divèrsi temp e ‘l gh’hà denter 18 edifizzi residenziàj. A partì di ann vent a hinn stàa fàa su i primm des unitàa de du piàni, dotàd de giardìn, orti e lavatòi. In del 1935 el villàgg l’è stàa estés vèrs èst cont el mèttegh denter du edifizzi anmò e cont el realizzà di servizzi per la popolazión compàgn del Cìrcol San Giorgio. Intra i ann quaranta e ‘l princippi di ann cinquanta hinn stàa giontàa ses edifizzi anmò e hinn stàa tòlt via i òrti. Impunamànch i divèrsi époch di intervent edilizzi, el complèss el gh’hà on aspètt tutt de l’istèssa natura, anca grazie a la coerenza de la scèrna di materiàj e ‘n disègn omogenui di front. Al dì d’incoeu l’è ancamò doperàa e abitàa, ancabén che 'n quàj servizzi el sìa stàa tòlt via.

Riferiment Modifega

  1. Viaggio nella storia di Sesto: il tragitto lungo le aree Falck. URL consultad in data 10 aprile 2014(arqiviad de l'url orijenal in data 7 aprile 2014)
  2. L'industria a Sesto San Giovanni - Maestri del Lavoro di Sesto San Giovanni Arqiviad qé: [1]
  3. Cadioli, p. 145.
  4. Villaggi operai: vivere nelle fabbriche - Osservatorio democratico. URL consultad in data 10 aprile 2014(arqiviad de l'url orijenal in data 8 maggio 2006)

Bibliografia Modifega

  • Pietro Lincoln Cadioli, Sesto San Giovanni dalle origini ad oggi, Sesto San Giovanni, Edizioni "Il cavallino d'oro" - Arti Grafiche G. Beveresco, 1976. (ISBN miga dispunìbil)
  • Ezio Parma, Enciclopedia Sesto San Giovanni, Sesto San Giovanni, Ezio Parma Editore, 2000. (ISBN miga dispunìbil)

Vos correlad Modifega


Ligamm de foeura Modifega