Automotris A2n 001
| Automotris A2n 001 | |
|---|---|
| Automotrix | |
 Automotris in livrea originala | |
| Agn de costruzion | 1982 |
| Agn de esercizi | 1982- |
| Quantitaa produxida | 1 |
| Costruidor | Consorzi CaFiCi |
| Capacitaa | 125 settaa |
| Scartament | 1'435 mm |
| Massa in servizi | 60 t |
| Massa a vœd | 55 t |
| Diameter rœde motrix | 860 mm |
| Velocitaa massema omologada | 115 km/h |
| Alimentazion | Diesel |
L'Automotris A2n 001 a l'è staa on rotabil sperimental a du pian doperaa in su la red regionala italiana ma mai entraa in servizzi regolar. A l'era essenzialment 'na derivazion di carrozz a du pian Casaralta del servizzi regional.
Storia Modifega
Sortii de fabrica in del 1982 l'ha percorrii i tratt Turin-Trofarello e Fossano-Limone Piemonte, in del 1984 a l'è provaa in su la red regionala de l'Emilia-Romagna e poeu el torna in Piemont, indova che l'è provaa de la SNCF per i sò treni per Coni.
In del 1986 a l'è provada per la Bressa-Isee-Edol, che l'è tropp impegnativa per lee, e poeu per la ferrovia canavesana. In del 1988 a l'è venduda a 'na società svizzera che l'ha doperaa la motris per di servizzi turistich. In del 1997 la società di miner de la Mauritania l'ha crompaa la motris e l'ha mittuu dent l'aria condizionada per doperàlla in su la tratta Nouadhibou-Zouérate. Pocch dopo però a l'è demotorizzada e doperada 'me carrozza panoramica per el treno del desert.
Caratteristich Modifega
La motris la deriva de l'esperienza di officin Casaralta in la costruzion di carrozz a du pian derivaa de quej frances, cont l'obietiv de permett in sui lign a traffich scars de menà in gir pussee gent cont men convoeuj e donca men spesa.
A l'è nassuda inscì 'na motris cont domà on motor, roba assee strana, e a la fin a l'era partida in quatter spazzi: Du de estremità e du centraj, vun sora e vun sotta.
Bibliografia Modifega
- Nico Molino, La ferrovia del Canavese, Elledi, 1986, pp. 70-73. ISBN 88-7649-043-4
- Sergio Viganò, Automotrici d'avanguardia, in I treni, 17 (1996), n. 174, pp. 20-27
- CFC A2N - L'automotrice Diesel elettrica a due piani, in Tutto Treno & Storia n. 4, novembre 2000, pp. 22-29. ISSN 1124-4232