Hansa (mercaa)
Hansa a l'è staa 'n mercaa de la darket operaa 'me servizzi sconduu TOR, che dopo de la saradura de AlphaBay l'è staa previst che 'l saria deventaa el mercaa el pussee doperaa, ma che l'era staa compromess di forz de polizia pocch prima, in manera de podè descrovì pussee in sui venditor e i client.
Storia Modifega
Compromission Modifega
In del 2016 la Polizia di Pajes Bass l'ha descovert la vera posizion del sitt grazia a 'n suggeriment de 'n espert de sicurezza che 'l eva descovert 'na version de desvilupp e tacchen a monitorà el sitt e on sò server IRC, indova che troeuven di dacc in ciar, che doperen per menà via i gestor, che anca se han cambiaa hosting hinn descovert grazia a di transazion in criptomoned. El 20 de giugn 2017 i gestor, di todesch, hinn menaa via e la polizia olandesa l'è bona de ciappà el controll integral del sitt in d'on pian, coordenaa cont el FBI, de vess doperaa 'me esca dopo de la fin de AlphaBay inscì de ciappà dent pussee client e doperà di mezz per descovrì i nomm di client e di venditor, compagn de:
- Salvà i password 'me test, inscì de podèss loggà in alter mercaa se fussen doperaa di password eguaj
- Fonzion de cifratura PGP modifegada per salvà 'na cobbia di messagg per la polizia
- Modifega del sistema de eliminazion di metadacc di foto per salvànn 'na cobbia, cont ona scancellazion de tucc i foto per obbligà i utent a recaregàj
- Transazion multisignature sabotaa inscì de podè sequestrà pussee de fond
- Diffusion de 'n fals document txt, in realtà Excel, che quand vert el provava a ciamà indree on server de la polizia, inscì de descovrì l'adressa IP de l'utent.
Saradura Modifega
Dopo de la saradura de AlphaBay el 4 de luj el gh'è staa 'n gross aument de l'utenza finna a la saradura in tra 'l 19 e 'l 20 de luj e in del period, che l'ha vist i venditor passà de 1'000 a 8'000, la polizia l'ha faa faa 27'000 transazion inscì de 'vègh di proeuv per la procura, e in sul sitt l'è missa 'na schermada de spiegazion.