Orelogg di Ferrovij Federai Svizzer
L'Orelogg di Ferrovij Federai Svizzer a l'è l'orelogg de stazion di stazion de la Svizzera. A l'è staa dessegnaa in del 1944 dal Hans Hilfiker, ingegnee, cont la ditta Mobatime. In del 1953 l'è staa modifegaa cont l'introduzion di segond.
L'è, cont el temp, deventaa vun di simboi nazionai svizzer, e comé esempi de design a l'è present anca al MoMA de New York. La Apple l'ha doperaa el design in del sò sistema finna a la version 6.
Tecnologia Modifega
I orari svizzer a hinn cadenzaa domà in di menut intregh, e donca in 'sti orelogg a l'è pussee important el cunt di menut.
Ogni menut i orelogg receven de on orelogg master on segnal elettrich che 'l fa scomincià on ciclo di lanzett che 'l dura 58,5 segond.
'Sto moviment, che de facc el ferma l'orelogg per on segond, a l'è emulaa in di orelogg de pols faa su licenza de la Mondaine.