Pogradec

Quest articol chì l'è scrivuu in lombard, grafia milanesa.

Pogradec (Подградец/Podgradec in macedon; İstarye o İstarova in turch storigh) l'è ona città de l'Albania del sud che la cunta 30.000 abitant.

Geografia

La città la se troeuva in del distrett omonim, in de la Prefettura de Coriza. A l'è al confin con la Macedonia, arent al lagh d'Ocrida, che 'l partegn per on terz a l'Albania e per i alter duu terz al paes slav.

Storia

I cost del lagh de Ocrida hinn abitaa giamò de almanch quattermilla ann; chì ghe viveven i Illir de la tribù di Enchelee.
Chì gh'è passaa tucc i dominator di Balcan: Macedon, Roman, Bizantin, Slav, Turch, Italian (1939-1943). El nomm de la città l'è de ciara origin slava, tant per dìnn voeuna.
Ai temp de la Segonda Guerra Mondial, el front italian-grech l'era rivaa fina a Pogradec. Sotta la dittadura comunista de l'Enver Hoxha, la città l'era on sitt de vacanza per i dirigent del partii.

Gemellagg

• Ocrida, Macedonia.