Primula halleri
|
|
Chest artícol a l'è scricc in Lumbàrt, ortograféa orientàl unificàda. |
Primula halleri J.F. GMEL. l'è 'na spéce de piànta erbùza de dimensiù pesène che fa part de la famìa botànica de le Primulaceae.
| Primula halleri | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||
| Classifigazion sientífiga | ||||||||||||||||||||
| ||||||||||||||||||||
| Nomm binomial | ||||||||||||||||||||
| Primula halleri J.F. GMEL. |
Descrisiù Modifega
L'è 'na piànta perène, erbàcea, conden rizòma cürt, i gamp che pórta i fiùr i stà sö bèi dricc e la vé alta 'ntra 12 e 30 ghèi. Le fòie le fùrma 'na rözèta bazàl, i è carnùze e lanceolàde, lónghe 6÷12 ghèi, piö làrghe 'ndèla metà de sóta, I è bianche-farinùze endèla fàcia de sóta. L'òrlo l'è ondulàt e a dintì fì, suradetöt endèla part ensìma. El gamp che pórta 'l fiùr l'è piö lónch de le fòie. I fiùr i vé a furmà 'na 'nfiurescènsa a ombrèla, con póch elemèncc (de 4 a 10), con póche bràtee lineàre a la bàze, piö cürte dei puedùncoi del fiùr. I è de culùr ròza-viòla e i g'ha en càles a décc acùti. La coròla l'è furmàde de 5 pétali profondamente, saldàcc a la bàze del tubo de la coròla e incidìcc en profónt ensìma. El tübizì de la coròla l'è 2÷3 ólte piö lónch del càles. I fröcc i è càpsule cilìndriche.
Distribusiù e habitat Modifega
La crès endèi pàscoi de alpì e sub-alpì e 'ndèi pòscc ruciùs 'ntra i 1.500÷2.600 méter sùra el leèl del mar. Se la tróa 'ndèl'Euròpa centràla e meridiunàla.
| Wikispecies la g'ha dent de le informassiù sö l'argoment: Primula halleri |
