Prunus laurocerasus

Prun us laurocearasus
occ.: laur reg; or.: ???
	; Fior de Prunus laurocerasus
Classifigazion sientífiga
Regn:	Plantae;
Division:	Magnoliophyta;
Clas:	Magnoliopsida;
Ùrden:	Rosales;
Famìa:	Rosaceae;
Zèner:	Prunus;
Spéce:	P. laurocerasus;
Nomm binomial
	prunus laurocerasus; Thunb.

Quest articol chì l'è scrivuu in lombard, grafia milanesa.

El laur reg (Prunus laurocerasus L.) a l’è on arbust semperverd de la famiglia di Rosacei.^[1]

Etimologia Modifega

El nòmm specifich el fa riferiment al laurus (laor) e al cerasus (pianta di scìres), per la somejanza di sò foglie con quèj del làor (laurus nobilis).

Descrizion Modifega

A l’è on arbust o alber de altèzza media, che’l pò toccà i 7 meter (fin anca 15 meter) de altèzza.

I foeuj hinn verd scur, molto pussée ciàr e luster quand che hinn gióvin; gh’hànn on spessór de 1-1,5mm e hinn dur; de forma slongada, e redonda vèrs la scima; hinn on poo fàa a resega vèrs el defoeura.

I fior hinn bianch; ermafroditt; dispòst a grappèll, e gh’hànn on odór profumàa, ma àcid. El fiorìss infra april e giugn.

I frutt hinn di drup de circa 1 cm ross/vioeula quand che hinn zèrb e negher-bloaster quand che vegnen madùr. El futtiss fin al princippi de l’autun.

Avertenza Modifega

I foeuj, ma soratutt i frutt hinn velenós per la presenza de acid cianidrich ottegnùu per savonificazion, segond ona dòse de 50:80 (indoe 50 hinn i mòl di drup e 80 l’è el pes in kg de ona persòna)Modell:Citazione necessaria. Pòden vèss mortìfer.

Distribuzion e habitat Modifega

El Prunus laurocerasus l’è originari de l'Asia minora e de l'Euròpa orientàl Modell:Citazione necessaria e l’è stàa importàa in Italia in del cors del sècol quèll di 16.Modell:Citazione necessaria.

Terrén néuter (pH minor de 7,5), ùmed.

Altèzza minga superiora de 300 meter (ideàj) o de 700 meter (defàtt)

El preferìss ona zòna al sol per almen vuna part del dì

L’è assèe resistent al frècc e ai malattìj ^[2]

Utilizzazion Modifega

El Prunus laurocerasus l’è dopràa ‘me ‘na pianta ornamentàl e da barrera (scesa) grazie al sò fojàmm dens.

El distillaa, l'acqua de laur reg, el pò vèss dopràa ‘me ‘n calmant per la toss. Se el ven mandà giò in di quantità ecessìv l’è bon de provocà ona intossicazión.

Vegnen ricavàa despèss di oli essenziàj doprà ‘me aromoa (in di quantità piscinìnn) in di liquòr, che gh’hànn l’odór di armandol amàr tipich de l’acid cianidrich.

L'alta concentrazion de acid cianidrich el fa questa pianta chì tòssega per l’òmm e per e per i animàj de ca’, se per caso la se manda giò.