Ruwiki
|
Quest articol chì l'è scrivud in lombard, con la Noeuva Ortografia Lombarda |
Ruwiki (Рувики in russ) a l'è un'enciclopedia online in lengua russa, lanciada in del luj 2023 'me fork de la Wikipedia in russ e descrita di media 'me "acetabel per el Cremlin" o "adata al Putin". El proget l'è guidad del Vladimir Medejko, ex diretor de Wikimedia Russia, che l'ha did de volé havégh un proget alternativ a la Wikipedia che ghe pias pussee al governo russ.
El proget, nonziad in del masg, l'è vert del luj 2023. El Medejko l'ha did che el sarà independent del governo russ, ma respetos di lesg de la Russia. El fork de la Wikipedia russa a l'è assee complet, ma inn stad cavad robe controverse in su l'invasion russa de l'Ucraina, la rebellion del grup Wagner e i criteghe al Vladimir Putin. Al moment l'è minga verta ai modifeghe ma la sarà in futur, a dì di so diretor, ma che i contegnud sarann controllad di espert.