Territòri paves
Cont el termin de Paves de nòrma se intend tutta la Provincia de Pavia, ma in sens pussee stregg el correspond a voeuna di tre arei principal in di quai la se divid quella provincia chì, insema a l'Oltrepò e a la Lomellina. 'Sto territòri el catta dent la città de Pavia e la zòna che gh'è pussee streggiament legada.
El territòri del Paves l'è situaa a nòrd del Pò e per la maggior part a est del Tesin (a eccezion del territòri del Siccomari, che 'l se troeuva a òvest). L'è asquas tutt in pianura e l'è traversaa de l'Olòna, del Lambrett, del Navili Paves e del Navili de Bereguard. El confina coi provincc de Milan e Lòd.
I comun Modifega
I comun che fann part del territòri paves a hinn 55: oltra a Pavia, la gh'è la campagna, che tradizionalment l'è dividuda in Campagna de Sora (a nòrd de la città) e Campagna de Sòtta (a sud).
- Campagna de Sora: Battuda, Bereguard, Borgarell, Bornasch, Casoraa, La Certosa, Giussagh, Marcignagh, Rognan, San Gines, Torr d'Isola, Trivolz, Troeuv, Velezz e Zeccon.
- Campagna de Sòtta: Albuzzan, Casell, Belgioios, Ciranoeuva, Chignoeu, Copian, Cortolòna, Còsta di Nòbil, Cura, Ferighera, Ginzon, Girenzagh, Inverna, Lardiragh, Linaroeu, Magherno, Marzan, Miradoeu, Montisei, Piev Pòrt Moron, Roncar, Santa Cristina, Sant'Aless, San Zenon, Spessa, Torr d'Ares, Torr di Negher, La Vall, Villantee, Vistarin e Zerb.
Inoltra fann part del Paves anca i comun de Bascapè, Landrian, Torr Veggia (che faseven part de la Piev de San Giulian), Sizian e Vidigulf (giamò in del Vicariaa de Binasch).