Wikipedia:Benvegnuu/MILCLASS

Quest articol chì l'è scrivuu in lombard, grafia milanesa.

Benvegnuu in su la Wikipedia, l'enciclopedia libera in lengua lombarda.

Dagh 'na man a la Wiki

El bell de la Wikipedia l'è che tucc, ma pròppi tucc, pòden dagh ona man a la Wiki a devegnì 'ncamò pussee bella, scriv 'na vos, mett apost di erroritt, e, in general, fà sentì la soa vos in de la comunidaa.

Rob de scrif minga

• Vos de vocabulari, per quell gh'hemm el Wikizionari
• Noeuv, scrivij in su Wikinews
• Trascrizzion de test, de mett in sul Wikisource
• Opinion
• Reclam

Scriom comè, alora?

Per savenn pussee, varda l'articol Wikipedia:Pillol de milanes.

Vun che 'l voeur scrif in su la Wikipedia 'l gh'ha minga d'iscrives, però 'l saria mej.

T'ela chi na lista de regol de tegnì a ment in su la lmowiki (l'è el soranomm de la nostra Wikipedia):

Grafij

In su la Wikipedia Lombarda gh'em dij grafij testaa e recognussuu, e hinn:

• Lombard Occidental
  • Grafia Milanesa
  • Insubrega Unifigada
• Lombard Oriental
  • Grafia Oròbiga Unificada
  • Grafia del Ducaa de Piazza Pontida
    • Version Semplificada
• Koiné Grafega
  • Scriver Lombard
  • Noeuva Grafia Lombarda

Gh'heet ancamò di dubi? Vegn in sul Wikipedia:Grott!

Marca la toa varianta

Quand che te scrivet in de la lmowiki

• {{MILCLASS}} per la milanesa
• {{LOCC}} per l'insubrega unificada
• {{SL}} per Scriver Lombard
• {{LORUNIF}} per l'orientala unificada
• {{NOL}} per la Noeuva Grafia Lombarda

Enciclopedicità

In de la vos gh'hemm de capì subet perchè el sogget el gh'ha de stà in de la Wikipedia. On bon incipit l'è: "El Mario Rossi (Lugan, 31 de febrar del 1987) l'è on dottor tesines, inventor de la Hichoc, cura definitiva al sangott".

El fà vedè subet l'enciclopedicità del soggett, e i olter informazzion pòden andaa in de la biografia.

Tutor

Se te gh'heet an'mò di dubi, scriv a vun di quest utent:

• --Sciking (ciciarade)
• --Mondschein (Mondschein)

FAQ

Mi soo minga ben el dialett, pòdi jutà istess?

Si, anca se te set mia bon de parlà on perfett lombard, i utent pussee espert metteran a post i tò error. E a bon cunt se pò dì che scriv in su la Wikipedia el pò juttà a imparà mej el lombard.

Hoo pagura de fà on rebelòtt...

Nissun problema, vun di principi de la Wikipedia l'è de vess francon, o bold, 'me disen i ingles. L'è mej fà on error che fà nagòtt! :)

L'è on'enciclopedia in milanes?

No, te pòdet scriv in tucc i dialett lombard. Se 'l tò dialett el gh'ha minga on'ortografia recongossuda, proeuva a doperà Scriver Lombard o a domandà in sul Grott.

Legg

Legg la Wikipedia l'è fazil e l'è ona manera svelta per imprend, o fà pussee bell, el tò lombard. Te pòdet doperà la casella de recerca per trovà i informazzion che te voeuret. Se gh'è ona pagina cont el titol cercaa te vegnaret portaa, se la gh'è no te podariet cercà la paròlla in di pagin o anca scriv la vos.

Scriv

Registrass

L'è mia obligatori registràss in su la Wikipedia per scriv, ma l'è consijaa. Se te gh'het 'n alter account in su 'n altra Wikipeda te pòdet doperà quell. Per registràss te gh'het de:

• Dervì Special:CreaCünt
• Inserì ona password, on username e, se te voeuret, la toa email
• Schiscià el botton bloeu

Modifegà

Per savenn pussee, varda l'articol Jüt:Guida esenziala.

Per modifegà ona pagina te gh'het du opzion:

1. Doperà "Modifega": L'è on editor grafich comé 'l Word e 'l permett de scriv direttament
2. "Mudifica 'l sorgent": l'è on editor cont ona sintass particolara: L'è pussee potent ma pussee diffizil de doperà