World of Warcraft

Quell articol qì l'è scrivud in Lombard, cond l'ortografia Scriver Lombard.

World of Wacraft (o abreviad anca 'me WoW, lombard: mond di arts de la guera) a l'è un videojoeg fantasy 3D MMORPG online, desvelupad de la "Blizzard Entertainment". Nunc, g'en plussee de 12.000.000 de cunts ativ. A l'è ambientad ind el mond de "Warcraft", qe a l'è nassud cont la publegazion de tri olter joeg, semper desvelupads de la Blizzard (Warcraft, Warcraft II, Warcraft III).

Logo ufiçal

Jeografia

Ind el mond de Warcraft, a g'en qater continents principai: "Eastern Kingdoms", "Kalimdor","Northrend" e "Pandaria". Tuts i qater i se troeven ind el mond de "Azeroth". Poei al g'è anca un olter pianeta, qe a l'è stad metud dent cont una espanzion ciamada The burning Crusade.

Creadure e Raze

Sqermada de creazion del personaj

Ind el mond de World of Wacraft a g'en un frac de creadure e raze. El joegador, al poel çernir tra Orc, Tauren, Troll, Elf de la Nocc, Uman, Non-morts, Nan, Elf del Broei, Gnom e Draenei. Qele raze qì en despartide in du congrege: "The Alliance" e "The Horde".

I class

• Guerier (warrior): l'è vuna de i plussee drovade tra i joegador, per la so dopia speçalizazion. El guerier l'è vuna di class ciamads tank (in Ingles al voel dir "car armàt"). Al poel drovar tuts i arm qe g'en ind el joeg, denfoera la baqeta majega.
• Mag (mage) : han un grand poder majic, qe i poeden drovar cont el "mana". Sedenò, i mag g'han minga una grand forza d'atac fisic e i g'han un toc de punts vida. Quand el mana al finiss, i poeden fa su un "pioed del mana", per trar-l su noevament.
• Pret (priest) : i prets i en una class projetada per curar i olter compagn. El pret, defats, l'è vuna tra i class ciamads "healer" (guaridor).
• Druid (druid) : i druids i en di amants de la nadura. I studian i elements nadurai e difats i poeden deventar di animai. I poeden anca curar i so aleads.
• Sciaman (shaman) : cont i qater elements nadurai, i sciamn tacan su i totem per combatt.
• Guerier de la mort (death knight) : l'è stad metud dent cont l'espansion The Wrath of the Litch King. Cont un mesciott tra jax e arts neger, i guarier de la mort i se poeden çernir domaa dopo 'ver-g 'me minim un olter PG de nivel 80: poei, el joegador al poel far su un noev PG guerier de la mort, qe al saraa jamoo de nivel 55.
• Monag (monk): l'è stad metud dent cont l' espansion Mists of Pandaria; l'è un maester in di arts marziai.
• Caçator (hunter): al poel ciapar i bestie qe al cata foera (i "pet"). Del nivel 40 al poel metter-s su di bardaments de maia. Principalment, al drova arc, s-ciopp o fucil.
• Lader (rogue): g'ha un roel fondamental, soratut ind i dungeon e raid. Abilitaa numer vun del lader, l'è senza dubi la stealth, l'è a dir "invisibilitaa".
• Stregon (warlock): amant di arts neger e di maledizion, i poeden anca evogar di creadure qe dann el so iutt in combatiment.
• Paladin (paladin): l'è un guerier iutant del ben comun e defensor de la lux. Al poel vesser, oltrament qe tank e dps, healer per la so abilitaa de curar i olter compagn.

G'è de dir anca qe per el sistema de talents, q'i en tri per ogne class, g'en in tut 52 specializazion de class deverse tra lor.

Raze

Alleanza

• Uman
• Nan
• Elf de la nocc
• Gnom
• Draenei (l'è stad metud dent cont l'espansion The Burning Crusade)
• Omm-Luf (l'è stad metud dent cont l'espansion Cataclysm)

Neuter

Wowiki, un'enciclopedia qe la toel insema tute i informazion su l'univers de Warcraft.

• Pandaren (l'è stad metud dent cont l'espansion Mists of Pandaria)

Orda

• Orc
• Non-mort
• Tauren
• Troll
• Elf del broei (l'è stad metud dent cont l'espansion The Burning Crusade)
• Goblin (l'è stad metud dent cont l'espansionCataclysm)

Strutura

Dopo haver-g çernid una raza, un joegador al passa a la çernida de la class. In tut, a g'en noevanta-cinq nivel, e quand un joegador al riva al nivel des, al poel decider de çernir un "talent": in tut en tri per ogne class. Per nar su de nivel, besoegna guadagnar esperienza (EXP) cont i "quest" (mission). I se poel anca far di mission in grupp (party): qì g'hem tan moeds de jugar, 'me i "dungeon", i "raid", "battleground": tuts qei joeg qì en despartids in du manere: "PVP" (se joega contra i olter) e "PVE" (se joega contra i "NPC": a l'è un nemic controlad del computer).

Espansion

World of Warcraft l' è sortid ind el 2004. De qel mument lì, i en stade fade su qeste espansion qì a segutar:

• The Burning Crusade
• The Wrath of the Litch King
• Cataclysm
• Mists of Pandaria