Èl

Chest artícol a l'è scricc in Lumbàrt, ortograféa orientàl unificàda.

Èl (nòm uficiàl en italià: Vello) l'è 'na frasiù del cümü de Marù, en Pruìncia de Brèsa. La g'ha presapóch 230 abitàncc e la se tróa sö la spónda orientàla del Lach d'Izé a du chilòmetri e mès a nòrt del cèntro de Marù.

Endèl 1679 l'è elencàt endèla lìsta dei cümü de la quàdra de Izé e l'è restàt autònomo 'nfìna al 1928 quan che 'ndèl quàder de la riorganizasiù de le aministrasiù locài, l'è stat ünìt a Marù.

El fà paròchia de per sò cönt e la sò céza l'è dedicàda a Santa Fèmia, a testemognànsa de le proprietà che 'l convènt bresà de Santa Fèmia de la Font el gh'ìa en chèsta località.

De Èl part la stràda 'n rìa al làch, deèrta apéna a le bìci e a chèi che và a pè che rìa 'nfìna a Tulìne e che la pàsa sóta a le córne a strapiómp de la córna dei Trèntapàs.