Acid foleg

Quell articol qì l'è scrivud in Lombard, cond l'ortografia Scriver Lombard.

L'acid foleg, ciamad anca vitamina B9, l'è un compost essenzial per la vita, qe el vesser uman l'è miga bon de far sœ de per so cœnt, e el g'ha donca de ciapar-l de l'alimentazion, o l'integrazion in vergœne situazion. Intra i aliments qe i g'ha denter plussee tants folats g'è le verdure a foia larga (da qé el nom folats), 'me prexempe i spinax.

Fonzion biolojega

L'importanza de qella vitamina qé l'è daita de la so fonzion biolojega: l'è de faits un co-fator enzimateg necessare per far sœ le pirimidine, le purine e vergun aminoacid, donca se la g'è miga se pœl miga far sœ gnanc DNA, gnanc RNA.

Carenza

La carenza de acid foleg la fa vegner l'anemia megaloblastega a le persone sane, e ind le fomne pregne la pœl far nasser i fiœi con defets del tubo neural, soratœt la spina bifida, donca tœte le fomne pregne se ge consilia de tœ jo un integrador del vitamina B9.