Chest artícol a l'è scricc in Lumbàrt, ortograféa orientàl unificàda.


Aqualónga (nòm uficiàl en italià: Acqualunga) l'è 'na frasiù del cümü de Bórch San Giàcom, endèla part sudocidentàla de la pruvìncia de Brèsa, e póch delóns del cunfì co la Pruvìncia de Cremùna. El paés el g'ha 'n töt presapóch 270 abitàncc (dato del 2001) e 'l se tróa a presapóch du chilòmetri e mès a sud del sò cèntro comünàl, söndena culinèta a póca distànsa del fiöm Òi. El teretóre de la frasiù l'è sfrötàt perlopiö per atività agrìcole. El g'ha fat cümü de per sò cönt enfìna al 1928, quan che l'è stat agregàt a Borch San Giàcom ensèma a Padernèl e Farfènch.

Acqualónga el fà paròchia de per sò cönt, e la sò céza l'è dedicàda a Santa Marìa Madaléna.